Grupu la WhatsApp la # Hapa Kazi Tu , lahani msiba wa Bi Mwanahija Shaaban - Arusha

Grupu la WhatsApp la # Hapa Kazi Tu

,lahani msiba wa Bi Mwanahija

Shaaban - Arusha

Katibu wa Siasa na Uenezi CCM Wilaya ya Arusha Ndg Jasper Kishumbua akikabidhi rambirambi ya fedha taslimu kwa Mama wa Marehemu Bi Sophia Ibrahimu. Marehemu Bi Mwanahija alifariki dunia katika Hosipitali ya Mount Meru,alikokwenda kujifungua, na kuacha mtoto mchanga wa wiki mbili anayelelewa na Mama yake mdogo kwa sasa,huko Daraja II.

HABARI :

Wanachama wa grupu la WhatsApp kwa jina la # Hapa Kazi Tu

linalohusisha Wanachama wa Chama Cha Mapinduzi kutoka baadhi ya Mikoa na Wilaya za Tanzania Bara na Zanzibar, walioguswa na msiba wa Bi Mwanahija Shaabani aliyefariki dunia August 26, 2016 na kuzikwa August 28, 2016 ,Wilayani Handeni Mkoani Tanga, leo Septemba 10,2016 walipata fursa ya kuwatembelea wazazi wa mrehemu ,wanaoishi Kata ya Daraja II,kutoa rambirambi zao.

Marehemu Mwanahija Shaaban

Rambirambi hizo ziliwasilishwa na Katibu wa Siasa na Uenezi Wilaya ya Arusha Ndg Jasper Kishumbua akiwa amefuatana na Mwenyekiti wa UVCCM Wilaya ya Arusha Ndg Martin Munissi, kwa niaba ya wana Grupu, nyumbani kwa wazazi wa marehemu ,Kata ya Daraja II.

Aidha Katibu wa Siasa na Uenezi Wilaya ya Arusha Ndg Jasper Kishumbua akiwa amefuatana na Mwenyekiti wa UVCCM Wilaya ya Arusha Ndg Martin Munissi, walitembelea mojawapo ya mradi unaotekelezwa wa kuboresha Daraja Moja,linalokarabatiwa na Halmashauri ya Jiji la Arusha,kufuatia malalamiko ya wakazi wa Mtaa wa Jamhuri katika kikao kilichofanyika kwa Balozi Khalifani, kuwa ni hatarishi kwa watoto wa shule na jamii ya watembea kwa miguu.

Vilevile walitembelea Ofisi ya Mtendaji wa Kata na kuonana na Mtendaji wa Kata Ndg Lupogo pamoja na Kamati yake ya Ulinzi na Usalama Kata, na kubadilishana nao mawazo kuhusu utekelezaji wa Ilani ya Uchaguzi.

KATA YA LEMARA

Aidha baada ya kutoka Kata ya Daraja II, walitembelea mradi wa Chama Cha Mapinduzi Kata ya Lemara wa ujenzi wa Ofisi ya Tawi la CCM Engira, Mtaa wa Elikirouwa . Ujenzi huo unasimamiwa na baadhi ya Viongozi wa Kata chini ya usimamizi wa Mwenyekiti wa Kata Ndg Emmanuel Betueli.

Pia Katibu wa Siasa na Uenezi CCM Wilaya ya Arusha Ndg Jasper Kishumbua aliweza kushiriki katika kazi ya ujenzi wa Ofisi hiyo pamoja na Mwenyekiti wa UVCCM Wilaya Ndg Martin Munissi.

Katibu wa Siasa na Uenezi CCM Wilaya ya Arusha Ndg Jasper Kishumbua ,aliwapongeza kwa kuona umuhimu wa kuendeleza maeneo ya Chama Cha Mapinduzi, kwa vitendo.

Ziara hiyo iliishia katika Hospitali ya AICC kwa kumtembelea Mwenyekiti wa UVCCM Kata ya Sombetini,Bi Happyness Mollel ambaye amelazwa kutokana na ugonjwa wa shinikizo la damu.Kwa sasa hali yake inaendelea vizuri.

Nitoe rai kwa Wasamaria wema watakaoguswa na malezi ya mtoto aliyeachwa na Marehemu,kwa msaada wa aina yeyote ile ,wawsiliane na Ndg Jasper Kishumbua kwa
0713 244 994 - Arusha.

MWISHO NA MWANDISHI WETU .

Mwenyekiti wa UVCCM Wilaya ya Arusha Ndg Martin Munissi akikabidhi rambirambi ya fedha taslimu kwa niaba ya UVCCM Wilaya, kwa Mama wa Marehemu Bi Sophia Ibrahimu.

Mwenyekiti wa UVCCM Wilaya ya Arusha Ndg Martin Munissi akisaini kitabu cha wageni kwenye Ofisi ya CCM Kata ya Daraja II .

Katibu wa CCM Kata ya Daraja II, Ndg Mkombozi R. Kifumba na Katibu wa Siasa na Uenezi Kata Ndg Benjamin Haule , katika Ofisi ya Chama Cha Mapinduzi Kata ya Daraja II.

Katibu wa Siasa na Uenezi Wilaya ya Arusha Ndg Jasper Kishumbua akisaini kitabu cha wageni kwenye Ofisi ya CCM Kata ya Daraja II, akishuhudiwa na Katibu wa CCM Kata ya Daraja II, Ndg Mkombozi R. Kifumba , Katibu wa Siasa na Uenezi Kata Ndg Benjamin Haule na Katibu wa Uchumi na Fedha Ndg Athanas Chenya, katika Ofisi ya Chama Cha Mapinduzi Kata ya Daraja II.

Mwenyekiti wa UVCCM Wilaya ya Arusha Ndg Martin Munissi akifurahia jambo na watoto ,Kata ya Daraja II.

Hapa Kazi Tu....... kama inavyoonekana katika picha ,watoto wakifurahi.

Mwenyekiti wa UVCCM Wilaya ya Arusha Ndg Martin Munissi akiwa nyumbani kwa wazazi wa Marehemu, kulia kwake ni Baba Mzazi Ndg Shaaban Omari Chelo na Katibu wa CCM Kata ya Daraja II, Ndg Mkombozi R. Kifumba.

Katibu wa Siasa na Uenezi CCM Wilaya ya Arusha Ndg Jasper Kishumbua akikabidhi rambirambi ya fedha taslimu kwa Wazazi wa Marehemu Bwn Shaaban Omari na Bi Sophia Ibrahimu nyumbani kwao Daraja II.

Viongozi wa Kata wakisaidiana kubadilisha bendera.

Katibu wa Siasa na Uenezi CCM Wilaya ya Arusha Ndg jasper Kishumbua akishiriki katika ujenzi wa Daraja Moja ,katika Kata ya Daraja II leo.

Katibu wa Siasa na Uenezi CCM Wilaya ya Arusha Ndg jasper Kishumbua na Mwenyekiti wa UVCCM Wilaya ya Arusha Ndg Martin Munissi wakiwa na baadhi ya Viongozi wa CCM Kata ya Lemara , katika Mtaa wa Elikirouwa.