Mkuu wa Wilaya ya Handeni Mhe. Siriel Mchembe (Aliyeshika Chepe) aongoza wananchi wa Mkata kufanya "msalagambo" wa kuchimba Msingi wa Ujenzi wa Majengo ya Madarasa kwenye shule ya Sekondari Mpya inayojengwa Katika eneno la Mkata.
Mkuu wa Wilaya amemshukuru Rais wa Jamhuri ya Muungano wa Tanzania kwa kuipatia Wilaya ya Handeni Fedha kwa ajili ya Ujenzi wa Shule za Sekondari Mbili ikiwa Moja inajengwa kwenye Halmashauri ya Wilaya ya Handeni na nyingine inajengwa Halmashauri ya Mji wa Handeni.
Mhe. Mchembe amewapongeza wananchi kwa kujitokeza kwa wingi kwa ajili ya kuchimba Msingi wa Shule hiyo.
Pia Mhe. Mchembe amemuagiza Mkurugenzi Mtendaji wa Halmashauri ya Wilaya ya Handeni kusimamia Ujenzi wa Shule hiyo na ukamilike haraka na kwa ubora unaendana na thamani ya fedha.
Kwa kumalizia Mkuu wa Wilaya ya Handeni amependekeza jina la shule hiyo kuwa itambulike kwa jina la "Samia Suluhu Secondary School"
"Handeni Kumenoga, Elimu kwa Kila Mtu"
