Wilaya ya kaskazini B
Mkuu wa Wilaya ya Kaskazini B Hamid Seif Said hajaridhishwa na hali ya Ujenzi wa
hospital ya Wilaya Pangatupu na kuagiza kampuni ya World Class Engineering Contract kuongeza bidii ili waweze kuendana na muda
waliokubaliana na serikali
Akizungumza
na watendaji wa kampuni hiyo wakati alipofanya ziara ya kutembelea
mradi huo Amesema Kasi ya Ujenzi ni ndogo hivyo ni vyema kampuni hiyo
ikabainisha matatizo yanayosababisha kuzorota Kwa shughuli za Ujenzi Ili
yaweze kutafutiwa ufumbuzi wa haraka
Amesema
serikali ya wilaya ipo tayari kushirikiana na kampuni hiyo wakati wote
wa Ujenzi Ili kuhakikisha hospital inayojengwa inakamilika Kwa wakati na
Kwa kiwango kinachotakiwa
Amesema
serikali imeamua kuipa mradi kampuni hiyo kutokana na kuridhishwa na
utendaji kazi wao hivyo ni vyema Kwa kampuni hiyo kuonesha uwezo wao Kwa
serikali
Amesema
ni miezi miwili tangu kuanza Kwa Ujenzi wa hospital hiyo lakini ni
jambo la kushangaza kuona Ujenzi huo ukiwa katika hatua za awali wakati
mkataba wa Ujenzi unakamilika mwezi June mwaka huu
Akizungumzia
kuhusu tatizo la kampuni hiyo kuchukua wafanyakazi kutoka nje ya wilaya
hiyo Hamid Amesema kitendo hicho sio kizuri kwani serikali imekuwa
ikiagiza kutoa kipaumbele cha ajira Kwa wananchi wazawa katika miradi
mbalimbali ya maendeleo ili kuinua kipato Cha wananchi wake
Msimamizi
wa mradi kutoka kampuni ya world class engineering contract bwana
Mgwasa Godfrey Takao Amesema kuzorota Kwa mradi pamoja na kuchelewa kwa
malipo ya wafanyakazi kunatokana na kucheleweshwa Kwa fedha kutoka
serikalini
Hata hivyo
Amesema kampuni hiyo inakusudia kufanya kazi usiku na mchana pamoja na
kuongeza wafanyakazi wengine Ili kumaliza Ujenzi wa hospital hiyo kwa
wakati
Mapema
wakiwasilisha malalamiko yao Kwa mkuu wa wilaya baadhi ya wafanyakazi
wamesema wamekuwa wakifanya kazi Kwa muda mrefu pamoja na
kucheleweshewa fedha zao ambapo hadi Sasa wamefanya kazi wiki mbili
bila ya malipo yoyote Hali ambayo inawapa usumbufu wa kutoa huduma
Kwa familia zao.
Ujenzi
wa hospital ya Wilaya pangatupu ni miongoni mwa hospital 10 zinazojengwa
na serikali kupitia mradi wa fedha za COVID 19 na unatarajiwa kujengwa
Kwa kipindi Cha miezi sita kuanzia January mwaka huu
