Jamii yatakiwa kusimamia watoto kwenye Malezi mema ili kupata Taifa bora lenye vijana wazalendo

Makamu wa Pili wa Rais wa Zanzibar Alhajj Hemed Suleiman Abdulla ameitaka Jamii kusimamia watoto kwenye Malezi mema ili kupata Taifa bora lenye vijana wazalendo na wenye uchu wa maendeleo ya Zanzibar.

 

Alhajj Hemed ameeleza hayo wakati akiwasalimia waumini wa Masjid Islah Chakechake Pemba alipojumuika nao katika Ibada ya Sala ya Ijumaa.

 

Amesema Zanzibar ni nchi yenye historia nzuri kwa wananchi wake kuwa na Tabia, silka na tamaduni njema zilizofanya kuitangaza Zanzibar Kitaifa na Kimataifa hivyo, Wazazi na Walezi ni vyema kusimamia dhima hiyo ili kupata jamii iliyosalimika na vitendo viovu.

 

Alhajj Hemed amesema Serikali ya Mapinduzi ya Zanzibar inayoongozwa na Rais Dkt. Hussein Ali inaendelea kuweka mikakati Mizuri ya kielimu kuanzia elimu ya Maandalizi, msingi, Sekondari hadi Chuo ili vijana waweze kupata elimu  ya lazima kwa manufaa yao na Taifa kwa ujumla.

 

Sambamba na hayo Makamu wa Pili wa Rais wa Zanzibar amewataka Wazazi na Walezi kuwashauri vijana wao wanaomaliza elimu ya Sekondari kufanya maamuzi sahihi wanapochagua masomo yao elimu ya juu kwa kuzingatia Fani zilizopewa kipaumbele na Serikali ikiwemo Ualimu wa Sayansi pamoja na Madaktari Bingwa wa Magonjwa mbali mbali.

 

Aidha Alhajj Hemed ameitaka jamii kuyasaidia makundi Maalum ikiwemo watu wenye ulemavu, Mayatima, wazee na vijana jambo ambalo litaongeza mashirikiano na mapenzi katika Jamii.

 

Akitoa khutba ya Sala ya Ijumaa Shekh Walid Muhsin Juma ameikumbusha jamii ya waislamu kuwa na mapenzi baina yao na kuwa na tabia ya kustiri aibu za wengine na kueleza kuwa huo ni msingi wa kupata radhi za Allah (S.W).

 

Amesema Muumini wa kweli ni vyema kufanya mema kwa kufuata maamrisho ya Qur-an na Sunnah ili kutafuta radhi za Allah (S.W) Duniani na kesho Akhera.

 

         

WAZIRI DKT. CHANA AFUNGUA TAMASHA LA PILI LA UTAMADUNI, NJOMBE YANEEMEKA

Na Shamimu Nyaki

Waziri wa Utamaduni, Sanaa na Michezo Mhe. Balozi Dkt. Pindi Chana amefungua Tamasha la pili la kitaifa la Utamaduni Agosti 25, 2023 katika viwanja vya Stendi ya zamani mkoani Njombe.

Katika Tamasha hilo wananchi wa Mkoa wa Njombe wameendelea kupata burudani na fursa ya kuuza na kuonesha bidhaa zao, huku mikoa mbalimbali iliyohudhuria tamasha hilo kupitia vikundi na Sanaa na ngoma vikionesha Utamaduni na kuuza kazi zao za ubunifu.

Akifungua Tamasha hilo Waziri Mhe. Pindi Chana amesema tamasha hilo ni utekekezaji wa Sera ya Utamaduni ya mwaka 1997 ambayo inatoa fursa kwa jamii kuenzi na kulinda mila na desturi pamoja na kuzirithisha kwa vizazi cha sasa na vijavyo.

Kwa upande wake Kaimu Mkuu wa Mkoa huo Mhe. Kissa Gwakisa Kasongwa amesema Tamasha hilo limetoa fursa kwa wananchi wa Njombe hatua inayowaongezea kipato katika biashara zao, kuona utamaduni wa mikoa mingine pamoja na kuonesha kuonesha utamaduni wao. 

Awali akitoa maelezo juu ya tamasha hilo Katibu Mkuu wa Wizara hiyo, Bw. Saidi Yakubu amesema tamasha hilo ni utekekezaji wa agizo la Rais wa Jamhuri ya Muungano wa Tanzania Mhe. Dkt. Samia Suluhu Hassan alilolitoa Septemba mwaka 2021 mkoani Mwanza, lengo likiwa ni kurithisha Utamaduni, mila na desturi za makabila yote Tanzania Bara na Zanzibar pamoja na kutangaza Utamaduni wa Mtanzania.

Katibu Mkuu Bw. Yakubu amesema Tamasha hilo linajumuisha mashindano ya ngoma za asili, vyakula, maonesho ya flamu ikiwemo za Harakati za Ukombozi wa Bara la Afrika, kuitangaza Royal Tour, Mada mbalimbali kuhusu maadili na utamaduni pamoja na huduma ya upimaji wa afya na elimu ya lishe, uchangiaji wa damu pamoja na kuwepo kwa mechi za kirafiki na matembezi mafupi.

NHC YATAKIWA KUTILIA MKAZO UKUSANYAJI MADENI

Na Munir Shemweta, WANMM

Kamati ya Kudumu ya Bunge Ardhi, Maliasili na Utalii imelitaka Shirika la Nyumba la Taifa (NHC) kuhakikisha linatilia mkazo ukusanyaji madeni ya wapangaji katika nyumba zake.

Mwenyekiti wa Kamati hiyo Timetheo Mnzava amesema, pamoja na shirika hilo kujitahidi katika ukusanyaji malimbikizo ya kodi za wapangaji wake lakini bado linatakiwa kuongeza kasi ya ukusanyaji madeni kutoka kwa wadaiwa.

Akizungumza wakati wa Kikao cha kupokea taarifa ya utendaji kazi wa Shirika la Nyumba la Taifa (NHC) jijini Dodoma tarehe 25 Oktoba 2023, Mhe. Mnzava amelitaka pia shirika hilo kuweka msisitizo zaidi katika kuzuia kuzalisha madeni badala ya kusubiri mpaka wapangaji kuwa na malimbikizo makubwa ya madeni.

Aidha, Wajumbe wa Kamati hiyo ya Kudumu ya Bunge ya Ardhi Malisili na Utalii wametaka kuwepo mikakati madhubuti itakayowaogopesha wapangaji ili waweze kulipa kodi zao kwa wakati

Vile vile, Kamati hiyo imeonesha kuridhishwa na utendaji kazi wa shirika hilo katika kutekeleza miradi yake ambapo wamelitaka Shirika kuangalia namna ya kujenga nyumba za gharama nafuu kwa kutumia teknolojia rahisi.

‘’Niipongeze NHC pamoja na Wizara ya Ardhi maana kazi za shirika zinaonekana hata kwa macho ila nisisitize muweke jitihada pia katika ukarabati wa nyumba zenu ili wapangaji wakae vizuri’’ alisema mjumbe wa kamati Cecilia Paresso.

Waziri wa Ardhi Nyumba na Maendeleo ya Makazi Dkt Angeline Mabula akizungumza mbele ya Kamati hiyo amesema, kwa sasa upo uhitaji mkubwa wa nyumba na serikali iko katika marekebisho ya sera ili kuwezesha ushiriki wa taasisi na sekta binafsi katika uzalishaji nyumba.

‘’Kama serikali tutahakikisha kasi ya ujenzi wa nyumba inaongezeka maana takwimu za sensa ya watu na makazi zimeonesha uhitaji mkubwa wa nyumba na uzalishaji ukiwa mdogo hivyo msisitizo ni kuzalisha nyumba za gharama nafuu kwa kutumia teknolojia rahisi’’ alisema Dkt Mabula.

----------------------------------MWISHO-------------------

 

 

Waziri wa Ardhi Nyumba na Maendeleo ya Makazi Mhe. Dkt Angeline Mabula akizungumza mbele ya Kamati ya Kudumu ya Bunge ya Ardhi Maliasili na Utalii wakati wa uwasilishaji taarifa ya shirika la Nyumba la Taifa (NHC) tarehe 25 Agosti 2023.

Wajumbe wa Kamati ya Kudumu ya Ardhi, Maliasili na Utalii wakiwa katika kikao cha kupokea taarifa ya Shirika la Nyumba la Taifa (NHC) tarehe 25 Agosti 2023 jijini Dodoma.

Mkurugenzi wa Shirika la Nyumba la Taifa (NHC) Hamad Abdallah akiwasilisha taarifa ya Shirika lake mbele ya Kamati ya Kudumu ya Ardhi Maliasili na Utalii jijini Dodoma tarehe 25 Agosti 2023.

Mwenyekiti wa Kamati ya Kudumu ya Ardhi, Maliasili na Utalii Timotheo Mnzava akizungumza wakati Kamati yake ikipokea taarifa ya Shirika la Nyumba la Taifa (NHC) tarehe 25 Agosti 2023 jijini Dodoma.

Naibu Katibu Mkuu Wizara ya Ardhi Lucy Kabyemera akizungumza mbele ya Kamati ya Kudumu ya Bunge ya Ardhi Maliasili na Utalii wakati wa uwasilishaji taarifa ya shirika la Nyumba la Taifa (NHC) tarehe 25 Agosti 2023.

Sehemu ya watendaji wa Wizara wa Wizara ya Ardhi pamoja na wale wa Shirika la Nyumba la Taifa (NHC) wakiwa katika kikao cha Kamati ya Kudumu ya Bunge ya Ardhi Maliasili na Utalii kupokea taarifa ya NHC jijini Dodoma tarehe 25 Agosti 2023. (PICHA ZOTE NA WIZARA YA ARDHI)

SHUKENI CHINI MKATOE ELIMU YA LISHE-RC MONGELLA.

Mkuu wa Mkoa wa Arusha John Mongella amezitaka Kamati za Lishe Mawilayani kuhakikisha zinakwenda Vijijini kufundisha na kuhamasisha masuala ya Lishe kwa Jamii. Amesema hayo aliopokuwa akiongoza Kikao cha Lishe Mkoa wa Arusha kilichofanyika kwenye ukumbi wa Mikutano wa Ofisi ya Mkuu wa Mkoa wakati wakijadili mpango mkakati wa namna ya kukabiliana na changamoto ya Lishe duni katika Jamii hususan kwa siku 1000 za mtoto tangu azaliwe. 

Amesema kuwa suala la Lishe halina mjadala wala mbadala na kuwa Lishe bora ndiyo inayopelekea kupata nguvu kazi iliyobora na Viongozi bora, Viongozi bora huzaa Taifa imara, hivyo kucheza na masuala ya Lishe ni kuhujumu mipango ya maendeleo ya Taifa kitu ambacho ni hatari kwani hupelekea Taifa kuwa na idadi kubwa ya Watu wenye udumavu. 

Katika kuhakikisha suala la Lishe linapewa kipaumbele, Mongella ameziagiza Kamati za Lishe kufanye ziara Vijijini kwaajili ya kwenda kutoa Elimu na hamasa kwa Jamii ili kuwapa uelewa mpana wa faida za Lishe kwa mama mjamzito na Watoto chini ya Miaka 5 kwani kila Halmashauri ilishagizwa kutenga fedha za kuchangia mpango Lishe kwa mtoto mchanga. 

"Nawaombeni Wakuu wa Wilaya mkazisimamie Kamati za Lishe ili ziweze kutoa elimu ya Lishe kwenye Kaya hii itasaidia Jamii kupata uelewa wa umuhimu kwa mama mjamzito na kwa siku 1000 za mtoto toka azaliwe" Alisema Mongella. 

Sambamba na hilo, Mongella amesema ni vyema Ofisi za Waganga wa Wakuu wa Wilaya wakateuwa timu ya Maafisa uhamasishaji Lishe waliobobea katika eneo hilo na ambao wanatambua malengo na mikakati ya Taifa kuhusu Lishe kwani kwa kutofanya hivyo zoezi la Lishe litakuwa bure. 

"Tunapofika kwenye suala la uelemishaji nawaomba saana Waganga Wakuu wa Wilaya lazima tupeleke Maafisa Lishe wanajua kusoma vizuri Scorecard ya Lishe ili watusaidie kutoa elimu na kutupa takwimu sahihi za hali ya Lishe kwenye Wilaya zetu" Alisema Mongella. 

Kikao hicho cha Lishe Mkoa kilihudhuriwa na Wakuu wa Wilaya, Wakurugenzi pamoja na Wataalam wa Lishe toka Wilaya zote za Mkoa wa Arusha ambapo kila Wilaya iliwasilisha taarifa zake za utekelezaji na mikakati ya kukabiliana na changamoto za Lishe katika Jamii.

🇹🇿RAIS SAMIA AMEWEKA HISTORIA. MKUTANO WA BRICS+, KWELI MAMA YUKO KAZINI HASWAAA! 🇹🇿

Ukiachana na hotuba ya Mheshimiwa Rais Samia Suluhu katika mkutano wa BRICS nchini Afrika Kusini iliyoangazia masuala ya ushirikiano wa kimataifa, ukuzaji biashara na uwekezaji, utatuzi wa pamoja wa changamoto za kidunia na maboresho ya Umoja wa Mataifa.

Tanzania tumevuna vingi sana katika mkutano huu wa BRICS endapo tutajiunga na muungano huu tutakuwa katika kundi la nchi nufaika. 

Kwa tathimini BRICS+  asilimia 45 ya mafuta yanayozalishwa Duniani au zaidi ya pipa milioni 37 zinazozalishwa kwa siku zinatoka katika Jumuiya hii. 

Asilimia 50 reserve ya Gesi asilia inapatikana katika muunganiko huu wa nchi za BRICS+ 

Asilimia 30 ya GDP Dunia inapatikana katika nchi zinazounda muunganiko wa BRICS+ 

Kwa siku ya Jana Rais Samia alifanya mikutano midogo kando na mkutano wa BRIC+ jambo ambalo liliwavuta viongozi wengi zaidi kutaka kufanya vikao naye pamoja na kutafuta fursa za ushirikiano;

Kwa siku ya Jana pekee Rais Samia alifanya vikao takribani 9 na viongozi mashuhuri wa Dunia.

1. Mazungumzo na Rais wa China Xi jinping kikao cha pamoja. 

2. Alikutana na Rais wa Brazil Lula Da Silva na kufanya naye kikao. 

3. Alikutana na Rais wa Afrika kusini Cyril Ramaphosa na kufanya naye kikao 

4. Alifanya mazungumzo na Rais wa Iran Seyyed Ibrahim Rais. Kikao cha kando 

5. Alifanya kikao na Waziri Mkuu wa Bangladeshi Sheikh Hassina Wazeed. 

6. Alifanya kikao na Rais wa Malawi Lazarus Chakwera 

7. Alifanya kikao na Rais wa Senegal Macky Sall. Pamoja na kukutana na viongozi wengine mashuhuri yote ni katika kukuza diplomasia ya ushirikiano na kutafuta masoko ya pamoja. 

Tunaweza kusema Rais Samia she is always step ahead katika kutazama fursa na kupanga mipango ya mbeleni.

#Mamayukokazini

MAPOKEZI YA NAIBU KATIBU MKUU WA CHAMA CHA MAPINDUZI TAIFA BARA Mkoani Arusha Ndugu Christina Mndeme

📸:- MAPOKEZI YA NAIBU KATIBU MKUU WA CHAMA CHA   MAPINDUZI TAIFA BARA Mkoani Arusha  Ndugu Christina Mndeme   06 Oktoba, 2022 kwenye viwanja vya CCM Mkoa wa Arusha. 

Pichani ni Waziri wa Maji Mheshimiwa @jumaa_aweso

Kiongozi muungwana asiyekuwa na makuu, mtoto wa Pangani akifurahi jambo na Cde Jasper Kishumbua akimwambia karibu Arusha Morani !!!!

@jumaa_aweso @ofisiyambungepangani

VITABU 16 VYAPIGWA MARUFUKU KUTUMIKA SHULENI, TAASISI ZA ELIMU

Wizara ya Elimu, Sayansi na Teknolojia imepiga marufuku matumizi ya vitabu 16 vinavyokwenda kinyume na maadili kwenye Shule na Taasisi zote za Elimu.

Vitabu hivyo vimepigwa marufuku na Waziri wa Elimu, Sayansi na Teknolojia Mhe. Prof. Adolf Mkenda kwa mamlaka aliyopewa chini ya Kifungu cha 59 cha Sheria ya Elimu Sura ya 353.

Akizungumza na waandishi wa habari  jijini Dodoma  Prof. Mkenda amesema kama taifa tuna mila na desturi za  kufuata na katika kufundisha na kulea watoto na kwamba shule zina wajibu wa kuendana na taratibu hizo katika kuwaandaa watoto.

"Nahimiza wazazi mkague mabegi ya wanafunzi kuhakikisha vitabu hivi havitumiki nyumbani; ukaguzi na ufuatiliaji huu ni endelevu ili kubaini kama vitabu kama hivi hipo katika shule tuweze kichukua hatua,"amesema Profesa Mkenda

Amevitaja vitabu hivyo kuwa ni Diary of a Wimpy Kid, Diary of a Wimpy Kid -Rodrick Rules, Diary of Wimpy Kid - The Last Straw, Diary of Wimpy Kid-Dog Days, Diary of a Wimpy Kid The Ugly Truth, Diary of a Wimpy Kid -Cabin Fever, Diary of a Wimpy Kid - The Third Wheel na Diary of a Wimpy Kid - Hard Luck.

 Vingine ni Diary of a Wimpy Kid - The Long Haul, Diary of a Wimpy Kid -Old School, Diary of a Wimpy Kid -Double Down, Diary of a Wimpy Kid-The Gateway,  Diary, Diary of a Wimpy Kid-Diper Overlode, Is for TANSGENDER ( you know best who you are!), Is for LGBTQIA ( find the words that make you you) na Sex  Education a Guide to life.

Prof. Mkenda ametoa rai kwa watanzania kupiga namba 0262160270 ya mezani na 0737 962965 ya mkononi ili kutoa taarifa ya uwepo wa vitabu hivyo shuleni na kwamba hatua kali zitachukuliwa kwa shule  yoyote itakayokutwa na vitabu hivyo ikiwemo kufutiwa usajili. 

@ikulu_mawasiliano @ikulu_habari @wema.smz2020 @shuledirectkids @shuledirect @maelezonews @maelezozanzibar

DKT.DIMWA- ATOA MKONO WA POLE KWA FAMILIA YA MAREHEMU TAKRIMA.

NA IS-HAKA OMAR,ZANZIBAR.

NAIBU Katibu Mkuu wa Chama Cha Mapinduzi(CCM) Zanzibar, Dkt.Mohammed Said Mohammed (Dimwa), ametoa mkono wa pole kwa familia ya aliyekuwa Naibu Katibu Mkuu wa CCM Zanzibar Ndg.Hassan Mussa Takrima aliyefariki juzi nyumbani kwake Fuoni baada ya kuumwa kwa muda mrefu.

Dkt.Dimwa, akizungumza na familia hiyo amesema Chama Cha Mapinduzi kimepokea kwa masikitiko makubwa taarifa kifo cha Mwanasiasa na kada  huyo.

Amesema Chama na Serikali wamepoteza mtu muhimu aliyekuwa ni kiongozi na mwalimu aliyebobea katika masuala ya sisasa na uongozi.  

Katika maelezo yake Dkt.Dimwa, amesema marehemu Takrima alikuwa ni kiongozi muadilifu na mchapakazi aliyefanya kazi kwa ufanisi ndani ya Chama na Serikalini.

“Natoa pole kwa familia ya marehemu, tulipata taarifa za kifo chake wakati mimi nikiwa katika ziara ya kujitambulisha Kisiwani Pemba na niliporudi tu nikaona nije kuwapa pole kwa niaba ya Chama Cha Mapinduzi.

Kama mnavyojua kuwa Mzee wetu Takrima alikuwa ni mtu muhimu sana kutokana na uhodari wake wa kiutndaji ametufundisha mambo mengi katika uwanja wa siasa pamoja na utendaji serikalini.”, alisema Dkt.Dimwa.

Pamoja na hayo aliwasihi wanafamilia hao kuendelea kuwa na subra na uvumilivu katika kipindi chote cha kuombeleza msiba huo.

Marehemu Takrima, alizaliwa mwaka 1943 katika kijiji Mwaleni ya Makunduchi, Mkoa wa Kusini Unguja na alipa elimu ya msingi na Sekondari katika skuli ya Makunduchi na mafunzo ya Ualimu katika Chuo cha Nkurumah na Nchini Uingereza.

Aidha marehemu Takrima, enzi za uhai wake amewahi kushika nyadhifa mbalimbali zikiwemo Mkuu wa Wilaya ya Ngara,Mkuu wa Wilaya ya Kusini Pemba,Mkuu wa Mkoa Kusini Pemba na Mkuu wa Wilaya ya Magharibi “B”.

Kwa upande wa Chama amewahi kuwa mjumbe wa NEC na mwaka 1998-2000 alishika nyadhifa ya Naibu Katibu Mkuu wa CCM Zanzibar na Mkuu wa Idara Makao Makuu Dodoma.

Dkt.Dimwa, alifuatana na Viongozi mbalimbali wakiwemo Katibu wa Kamati Maalum ya NEC,Idara ya Itikadi na Uenezi CCM Zanzibar  Khamis Mbeto Khamis, Katibu wa Kamati Maalum ya NEC, Idara ya mambo ya Siasa na Uhusiano wa Kimataifa CCM Zanzibar Khadija Salum Ali, Katibu wa Kamati Maalum ya NEC,Idara ya Organazesheni CCM Zanzibar Omar Ibrahim Kilupi na Makamu Mwenyekiti wa Jumuiya ya Wazazi wa CCM Taifa Dogo Idd Mabrouk.

Akizungumza kwa niaba ya familia ya marehemu  Omar Saleh, alimshukru Naibu Katibu Mkuu Dkt.Dimwa kwa kuwafariji.

NAIBU Katibu Mkuu wa Chama Cha Mapinduzi(CCM) Zanzibar, Dkt.Mohammed Said Mohammed (Dimwa), akitoa mkono wa pole kwa familia ya aliyekuwa Naibu Katibu Mkuu wa CCM Zanzibar marehemu Hassan Mussa Takrima, aliyefariki juzi nyumbani kwake Fuoni Zanzibar.

NAIBU Katibu Mkuu wa Chama Cha Mapinduzi(CCM) Zanzibar, Dkt.Mohammed Said Mohammed (Dimwa), akitoa mkono wa pole kwa familia ya aliyekuwa Naibu Katibu Mkuu wa CCM Zanzibar marehemu Hassan Mussa Takrima, aliyefariki juzi nyumbani kwake Fuoni Zanzibar.

MWISHO

DKT.DIMWA- ATOA MKONO WA POLE KWA FAMILIA YA MAREHEMU TAKRIMA.

NA IS-HAKA OMAR,ZANZIBAR.

NAIBU Katibu Mkuu wa Chama Cha Mapinduzi(CCM) Zanzibar, Dkt.Mohammed Said Mohammed (Dimwa), ametoa mkono wa pole kwa familia ya aliyekuwa Naibu Katibu Mkuu wa CCM Zanzibar Ndg.Hassan Mussa Takrima aliyefariki juzi nyumbani kwake Fuoni baada ya kuumwa kwa muda mrefu.

Dkt.Dimwa, akizungumza na familia hiyo amesema Chama Cha Mapinduzi kimepokea kwa masikitiko makubwa taarifa kifo cha Mwanasiasa na kada  huyo.

Amesema Chama na Serikali wamepoteza mtu muhimu aliyekuwa ni kiongozi na mwalimu aliyebobea katika masuala ya sisasa na uongozi.  

Katika maelezo yake Dkt.Dimwa, amesema marehemu Takrima alikuwa ni kiongozi muadilifu na mchapakazi aliyefanya kazi kwa ufanisi ndani ya Chama na Serikalini.

“Natoa pole kwa familia ya marehemu, tulipata taarifa za kifo chake wakati mimi nikiwa katika ziara ya kujitambulisha Kisiwani Pemba na niliporudi tu nikaona nije kuwapa pole kwa niaba ya Chama Cha Mapinduzi.

Kama mnavyojua kuwa Mzee wetu Takrima alikuwa ni mtu muhimu sana kutokana na uhodari wake wa kiutndaji ametufundisha mambo mengi katika uwanja wa siasa pamoja na utendaji serikalini.”, alisema Dkt.Dimwa.

Pamoja na hayo aliwasihi wanafamilia hao kuendelea kuwa na subra na uvumilivu katika kipindi chote cha kuombeleza msiba huo.

Marehemu Takrima, alizaliwa mwaka 1943 katika kijiji Mwaleni ya Makunduchi, Mkoa wa Kusini Unguja na alipa elimu ya msingi na Sekondari katika skuli ya Makunduchi na mafunzo ya Ualimu katika Chuo cha Nkurumah na Nchini Uingereza.

Aidha marehemu Takrima, enzi za uhai wake amewahi kushika nyadhifa mbalimbali zikiwemo Mkuu wa Wilaya ya Ngara,Mkuu wa Wilaya ya Kusini Pemba,Mkuu wa Mkoa Kusini Pemba na Mkuu wa Wilaya ya Magharibi “B”.

Kwa upande wa Chama amewahi kuwa mjumbe wa NEC na mwaka 1998-2000 alishika nyadhifa ya Naibu Katibu Mkuu wa CCM Zanzibar na Mkuu wa Idara Makao Makuu Dodoma.

Dkt.Dimwa, alifuatana na Viongozi mbalimbali wakiwemo Katibu wa Kamati Maalum ya NEC,Idara ya Itikadi na Uenezi CCM Zanzibar  Khamis Mbeto Khamis, Katibu wa Kamati Maalum ya NEC, Idara ya mambo ya Siasa na Uhusiano wa Kimataifa CCM Zanzibar Khadija Salum Ali, Katibu wa Kamati Maalum ya NEC,Idara ya Organazesheni CCM Zanzibar Omar Ibrahim Kilupi na Makamu Mwenyekiti wa Jumuiya ya Wazazi wa CCM Taifa Dogo Idd Mabrouk.

Akizungumza kwa niaba ya familia ya marehemu  Omar Saleh, alimshukru Naibu Katibu Mkuu Dkt.Dimwa kwa kuwafariji.

NAIBU Katibu Mkuu wa Chama Cha Mapinduzi(CCM) Zanzibar, Dkt.Mohammed Said Mohammed (Dimwa), akitoa mkono wa pole kwa familia ya aliyekuwa Naibu Katibu Mkuu wa CCM Zanzibar marehemu Hassan Mussa Takrima, aliyefariki juzi nyumbani kwake Fuoni Zanzibar.

NAIBU Katibu Mkuu wa Chama Cha Mapinduzi(CCM) Zanzibar, Dkt.Mohammed Said Mohammed (Dimwa), akitoa mkono wa pole kwa familia ya aliyekuwa Naibu Katibu Mkuu wa CCM Zanzibar marehemu Hassan Mussa Takrima, aliyefariki juzi nyumbani kwake Fuoni Zanzibar.

MWISHO

RAIS DK.MWINYI ASISITIZA UHARAKA WA UANZISHWAJI MAHKAMA YA RUSHWA NA UHUJUMU UCHUMI ZANZIBAR

Zanzibar, 13 Febuari, 2023

SERIKALI ya Mapinduzi ya Zanzibar imezitaka taasisi za umma kubadili mifumo ya zamani ya utendaji na utoaji huduma kwa wananchi kwa kuanzisha mifumo ya kisasa ya matumizi ya Teknolojia ya Habari na Mawasiliano (TEHAMA) ili kurahisisha utendaji wao kuenda na kasi ya matumizi ya teknolojia.

RAIS wa Zanzibar na Mwenyekiti wa Baraza la Mapinduzi, Dk. Hussein Ali Mwinyi aliyasema hayo kwenye maadhimisho ya siku ya Sheria, Tunguu Mkoa wa Kusini Unguja.

Alisema wakati huu wa sayansi na teknolojia mifumo ya uendeshaji taasisi kwa kutumia karatasi na kalamu imepitwa na wakati, hivyo alizitaka taasisi za umma zikiwemo taasisi za sheria na wadau wake kubadili mifumo ya utendaji wao ili kuendana na kasi ya teknolojia.

Alisema matumizi ya TEHAMA hurahisisha utendaji na kuondosha usumbufu pia kusaidia jitihada za Serikali za kukuza uchumi wa nchi na kuimarisha ustawi wa jamii kwa kuokoa fedha nyingi zinazogharamia shughuli zinazotekelezwa kwa mifumo ya zamani na badala yake gharama ya fedha hizo zitaelekezwa kwenye shughuli nyengine za maendeleo.

Akizungumzia haki mtandao Mahakamani, Rais Dk. Mwinyi alisema ni muhimu kwa ujenzi wa taasisi bora za kisheria kwani mfumo unaendana na mabadiliko ya sayansi na teknolojia yanayotokea duniani.

Hata hivyo, aliipongeza Mahakama Kuu ya Zanzibar kwa mara ya kwanza kuanzisha mfumo wa kielektroniki wa kusajili mawakili ambao alieleza kwa sasa watafungua mashauri na kufuatilia uendeshaji wa mashauri hayo wakiwa nyumbani, vijijini au Ofisini.

Alisema mfumo huo wa kisasa utasaidia kuokoa muda unaotumika kwenye taasisi za sheria kufanyia kazi nyengine za kuinua vipato vyao, kuimarisha uwazi, uwajibikaji, utawala bora, ukusanyaji mzuri wa mapato na kuimarisha uchumi wa nchi pamoja na kusaidia kukuza imani ya wananchi na wawekezaji wa ndani na nje kwenye vyombo vya sheria.

Akizungumiza faida za matumizi ya TEHAMA kwenye taasisi za Sheria, Dk. Mwinyi alisema usikilizaji wa haraka wa mashauri na kutolewa maamuzi, upatikanaji wa takwimu sahihi, ufuatiliaji bora na usimamizi bora wa mashauri.

“Kwa kupitia haki mtandao, hakutakuwa na ulazima kwa Waheshimiwa Majaji wa Mahkama Kuu kusafirishwa kwenda Pemba kusikiliza mashauri, kwani mashauri hayo yatasikilizwa na kuamuliwa kwa mfumo wa Tehama tuu, Shahidi hatalazimika kufika kwenye jengo la mahakama kutoa ushahidi, inaweza kuandaliwa mifumo ya kutoa ushahidi wake kupitia hata simu yake tu ya mkononi, utaratibu huu mienendo ya kesi itapatikana kwa haraka” alifafanua Dk. Mwinyi.

Rais, Dk. Mwinyi aliahidi kutoa kipaumbele kwa bajeti ya matumizi ya Tehama kwa mahakama kuu Zanzibar ili kuimarisha miundombinu ya taasisi za sheria nchini, na kusema kwamba Serikali itatumia zaidi ya bilioni nne kwa ujenzi wa Majengo manne ya Mahakama kuu na za wilaya kwa Unguja na Pemba ambazo zinaendana na mifumo ya Tehama. Aidha, aliitaka mahakama hiyo kupitia taasisi zake kujipanga na kuwasilisha Serikalini mpangokazi na bajeti kwa ajili ya utekelezaji wa adhma hiyo.

Pia alitoa wito kwa Wizara ya Nchi, Ofisi ya Rais, Katiba, Sheria, Utumishi na Utawala Bora kupitia Ofisi ya Wakala wa Serikali Mtandao kuzisimamia na kuzishauri ipasavyo taasisi zote za sheria katika kufikia lengo hilo la haki mtandao nchini.

Hata hivyo, aliiataka Mahakama kushirikiana na wadau wengine wa haki kwa maboresho yoyote kwenye mhimili wa Mahkama alisema yataleta matokeo chanya yenye ufanisi kwa ushirikiano imara na wadau.

Akizungumzia uanzishwaji wa Mahkama Maalum ya Makosa ya Rushwa na Uhujumu Uchumi, Rais Dk. Mwinyi alisifu jitihada zilizofikiwa na Mahakama Kuu ya Zanzibar kwa hatua waliyofikia na kueleza kufarajika kwake kusikia tayari wameunda kamati ya wataalamu kwaajili ya kusimamia na kuratibu mchakato wa kuanzishwa Mahakama hiyo.

Alieleza Kuanzishwa kwa mahkama hiyo, kutaisaidia Serikali mapambano dhidi ya vitendo vya ufisadi na matumizi mabaya ya Ofisi na rasilimali za umma ambayo huzorotesha uchumi wa nchi na ustawi wa jamii hali aliyoieleza inarejesha nyuma juhudi za Serikali za kuwaletea wananchi maendeleo.

Akizungumza kwenye hafla hiyo, Jaji Mkuu wa Mahakama kuu Tanzania, Prof. Ibrahim Juma alisema karne ya 21 inazitaka taasisi zote na watendaji wake kuwa na mabadiko ya fikra na kimtazamo yanayoendana na teknolojia iliopo duniani, nakuongeza kuwa mabadiliko ya teknolojia kwenye Mahakama Kuu ya Zanzibar yatasaidia utoaji wa haki na kukuza uchumi wa Zanzibar kwa kuleta mageuzi makubwa ya mabadiliko ya utendaji wao. Hivyo, aliwataka majaji kutumia jitihada za ziada ili kuendana na kasi ya huduma mtandao kwa sasa.

Naye, Jaji Mkuu wa Zanzibar Khamis Ramadhan Abdalla, alisema maadhimisho ya siku ya sheria ni kuanza mwaka mpya wa mahakama na kueleza miongoni kwa mikakati ya mabadiliko yao kwenye ufanisi wa utendajikazi wao ni kuwafikia wananchi kwa haraka, kuendelea kutoa huduma bora kwa wananchi na kuwa karibu nao kwaajili ya kuwahudumia pamoja na kutoa mahakama rafiki zenye huduma za haraka.

Madhamisho ya Sheria yaliambatana na wiki ya sheria iliyoanza Febuari 06 mwaka huu kwa kutekelezwa shughuli mbalimbali za kisheria ikiwemo kutoa elimu kwa umma juu ya masuala ya sheria, kutambua mchango wa makaadhi kwa kutunukiwa vyeti vinara bora watoaji haki, kupokea mawakili wapywa, kuzindua mfumo wa kuwasajili mawakili kwa njia ya mtandao pamoja na kuhitimishwa kwa matembezi yaliyoandaliwa na taasisi ya “Zanzibar Maisha bora Foundation” yaliyoongozwa na Mwenyekiti wa taasisi hiyo, Mama Mariam Mwinyi yakiwa na kauli mbiu “Kupinga vita dhidi ya Udhalilishaji wa kijinsia.”

Aidha, maadhimisho ya Sheria pia yalihudhuriwa na ujumbe kutoka Mahakama kuu ya Tanzania ulioongozwa na Jaji Mkuu Prof. Ibrahim Juma yalikua na kaulimbiu, “Haki mtandao ya kukuza uchumi na Ustawi wa jamii” ni maadhimisho ya 12 tokea kuanzishwa kwake mwaka 2012.

IDARA YA MAWASILINO, IKULU ZANZIBAR

RAIS DK.MWINYI ASISITIZA UHARAKA WA UANZISHWAJI MAHKAMA YA RUSHWA NA UHUJUMU UCHUMI ZANZIBAR

Zanzibar, 13 Febuari, 2023

SERIKALI ya Mapinduzi ya Zanzibar imezitaka taasisi za umma kubadili mifumo ya zamani ya utendaji na utoaji huduma kwa wananchi kwa kuanzisha mifumo ya kisasa ya matumizi ya Teknolojia ya Habari na Mawasiliano (TEHAMA) ili kurahisisha utendaji wao kuenda na kasi ya matumizi ya teknolojia.

RAIS wa Zanzibar na Mwenyekiti wa Baraza la Mapinduzi, Dk. Hussein Ali Mwinyi aliyasema hayo kwenye maadhimisho ya siku ya Sheria, Tunguu Mkoa wa Kusini Unguja.

Alisema wakati huu wa sayansi na teknolojia mifumo ya uendeshaji taasisi kwa kutumia karatasi na kalamu imepitwa na wakati, hivyo alizitaka taasisi za umma zikiwemo taasisi za sheria na wadau wake kubadili mifumo ya utendaji wao ili kuendana na kasi ya teknolojia.

Alisema matumizi ya TEHAMA hurahisisha utendaji na kuondosha usumbufu pia kusaidia jitihada za Serikali za kukuza uchumi wa nchi na kuimarisha ustawi wa jamii kwa kuokoa fedha nyingi zinazogharamia shughuli zinazotekelezwa kwa mifumo ya zamani na badala yake gharama ya fedha hizo zitaelekezwa kwenye shughuli nyengine za maendeleo.

Akizungumzia haki mtandao Mahakamani, Rais Dk. Mwinyi alisema ni muhimu kwa ujenzi wa taasisi bora za kisheria kwani mfumo unaendana na mabadiliko ya sayansi na teknolojia yanayotokea duniani.

Hata hivyo, aliipongeza Mahakama Kuu ya Zanzibar kwa mara ya kwanza kuanzisha mfumo wa kielektroniki wa kusajili mawakili ambao alieleza kwa sasa watafungua mashauri na kufuatilia uendeshaji wa mashauri hayo wakiwa nyumbani, vijijini au Ofisini.

Alisema mfumo huo wa kisasa utasaidia kuokoa muda unaotumika kwenye taasisi za sheria kufanyia kazi nyengine za kuinua vipato vyao, kuimarisha uwazi, uwajibikaji, utawala bora, ukusanyaji mzuri wa mapato na kuimarisha uchumi wa nchi pamoja na kusaidia kukuza imani ya wananchi na wawekezaji wa ndani na nje kwenye vyombo vya sheria.

Akizungumiza faida za matumizi ya TEHAMA kwenye taasisi za Sheria, Dk. Mwinyi alisema usikilizaji wa haraka wa mashauri na kutolewa maamuzi, upatikanaji wa takwimu sahihi, ufuatiliaji bora na usimamizi bora wa mashauri.

“Kwa kupitia haki mtandao, hakutakuwa na ulazima kwa Waheshimiwa Majaji wa Mahkama Kuu kusafirishwa kwenda Pemba kusikiliza mashauri, kwani mashauri hayo yatasikilizwa na kuamuliwa kwa mfumo wa Tehama tuu, Shahidi hatalazimika kufika kwenye jengo la mahakama kutoa ushahidi, inaweza kuandaliwa mifumo ya kutoa ushahidi wake kupitia hata simu yake tu ya mkononi, utaratibu huu mienendo ya kesi itapatikana kwa haraka” alifafanua Dk. Mwinyi.

Rais, Dk. Mwinyi aliahidi kutoa kipaumbele kwa bajeti ya matumizi ya Tehama kwa mahakama kuu Zanzibar ili kuimarisha miundombinu ya taasisi za sheria nchini, na kusema kwamba Serikali itatumia zaidi ya bilioni nne kwa ujenzi wa Majengo manne ya Mahakama kuu na za wilaya kwa Unguja na Pemba ambazo zinaendana na mifumo ya Tehama. Aidha, aliitaka mahakama hiyo kupitia taasisi zake kujipanga na kuwasilisha Serikalini mpangokazi na bajeti kwa ajili ya utekelezaji wa adhma hiyo.

Pia alitoa wito kwa Wizara ya Nchi, Ofisi ya Rais, Katiba, Sheria, Utumishi na Utawala Bora kupitia Ofisi ya Wakala wa Serikali Mtandao kuzisimamia na kuzishauri ipasavyo taasisi zote za sheria katika kufikia lengo hilo la haki mtandao nchini.

Hata hivyo, aliiataka Mahakama kushirikiana na wadau wengine wa haki kwa maboresho yoyote kwenye mhimili wa Mahkama alisema yataleta matokeo chanya yenye ufanisi kwa ushirikiano imara na wadau.

Akizungumzia uanzishwaji wa Mahkama Maalum ya Makosa ya Rushwa na Uhujumu Uchumi, Rais Dk. Mwinyi alisifu jitihada zilizofikiwa na Mahakama Kuu ya Zanzibar kwa hatua waliyofikia na kueleza kufarajika kwake kusikia tayari wameunda kamati ya wataalamu kwaajili ya kusimamia na kuratibu mchakato wa kuanzishwa Mahakama hiyo.

Alieleza Kuanzishwa kwa mahkama hiyo, kutaisaidia Serikali mapambano dhidi ya vitendo vya ufisadi na matumizi mabaya ya Ofisi na rasilimali za umma ambayo huzorotesha uchumi wa nchi na ustawi wa jamii hali aliyoieleza inarejesha nyuma juhudi za Serikali za kuwaletea wananchi maendeleo.

Akizungumza kwenye hafla hiyo, Jaji Mkuu wa Mahakama kuu Tanzania, Prof. Ibrahim Juma alisema karne ya 21 inazitaka taasisi zote na watendaji wake kuwa na mabadiko ya fikra na kimtazamo yanayoendana na teknolojia iliopo duniani, nakuongeza kuwa mabadiliko ya teknolojia kwenye Mahakama Kuu ya Zanzibar yatasaidia utoaji wa haki na kukuza uchumi wa Zanzibar kwa kuleta mageuzi makubwa ya mabadiliko ya utendaji wao. Hivyo, aliwataka majaji kutumia jitihada za ziada ili kuendana na kasi ya huduma mtandao kwa sasa.

Naye, Jaji Mkuu wa Zanzibar Khamis Ramadhan Abdalla, alisema maadhimisho ya siku ya sheria ni kuanza mwaka mpya wa mahakama na kueleza miongoni kwa mikakati ya mabadiliko yao kwenye ufanisi wa utendajikazi wao ni kuwafikia wananchi kwa haraka, kuendelea kutoa huduma bora kwa wananchi na kuwa karibu nao kwaajili ya kuwahudumia pamoja na kutoa mahakama rafiki zenye huduma za haraka.

Madhamisho ya Sheria yaliambatana na wiki ya sheria iliyoanza Febuari 06 mwaka huu kwa kutekelezwa shughuli mbalimbali za kisheria ikiwemo kutoa elimu kwa umma juu ya masuala ya sheria, kutambua mchango wa makaadhi kwa kutunukiwa vyeti vinara bora watoaji haki, kupokea mawakili wapywa, kuzindua mfumo wa kuwasajili mawakili kwa njia ya mtandao pamoja na kuhitimishwa kwa matembezi yaliyoandaliwa na taasisi ya “Zanzibar Maisha bora Foundation” yaliyoongozwa na Mwenyekiti wa taasisi hiyo, Mama Mariam Mwinyi yakiwa na kauli mbiu “Kupinga vita dhidi ya Udhalilishaji wa kijinsia.”

Aidha, maadhimisho ya Sheria pia yalihudhuriwa na ujumbe kutoka Mahakama kuu ya Tanzania ulioongozwa na Jaji Mkuu Prof. Ibrahim Juma yalikua na kaulimbiu, “Haki mtandao ya kukuza uchumi na Ustawi wa jamii” ni maadhimisho ya 12 tokea kuanzishwa kwake mwaka 2012.

IDARA YA MAWASILINO, IKULU ZANZIBAR