WAZIRI MAKAMBA AKUTANA KWA MAZUNGUMZO NA WAZIRI WA VIWANDA NA TEKNOLOJIA YA JUU WA SERIKALI YA UAE

 

Waziri wa Mambo ya Nje na Ushirikiano wa Afrika Mashariki, Mhe. January Makamba (Mb.) akizungumza na na Waziri wa Viwanda na Tekinolojia ya Juu wa Serikali ya Umoja wa Falme za Kiarabu, Mhe. Sultan Ahmed Al Jaber Jijini Nairobi, Kenya. Mazungumzo ya viongozi hao yamefanyika pembezoni mwa Mkutano wa Wakuu wa Nchi za Afrika kuhusu Mabadiliko ya Tabia Nchi unaofanyika Nairobi, Kenya unaofanyika Nchini humo kuanzia tarehe 4 – 8 Septemba 2023.

Waziri wa Mambo ya Nje na Ushirikiano wa Afrika Mashariki, Mhe. January Makamba (Mb.) amekutana na kuzungumza na Waziri wa Viwanda na Tekinolojia ya Juu wa Serikali ya Umoja wa Falme za Kiarabu, Mhe. Sultan Ahmed Al Jaber Jijini Nairobi, Kenya.

 

Waziri Makamba amekutana na Mhe. Al Jaber pembezoni mwa Mkutano wa Wakuu wa Nchi za Afrika kuhusu Mabadiliko ya Tabia Nchi unaofanyika Nairobi, Kenya.

 

Pamoja na mambo mengine, Mhe. Waziri Makamba ameihakikishia UAE kuwa Tanzania itashiriki Mkutano wa Nchi Wanachama wa Mkataba wa Umoja wa Mataifa wa Mabadiliko ya Tabianchi (COP 28) mwezi Disemba 2023, ambapo miongoni mwa masuala itakayoyatilia mkazo ni ufadhili wa miradi ya nishati safi ya kupikia kwa akina mama vijijini.

 

Aidha, Mheshimiwa Waziri Makamba amesisitiza kuwa Tanzania itaungana na nchi za Afrika na nchi nyingine zinazoendelea duniani, kuhimiza Nchi Wanachama, hususan zilizoendelea kutekeleza ahadi za kupunguza hewa ukaa, kuchangia fedha kwa ajili ya Uhimilivu na kukabiliana na mabadiliko ya Tabianchi na upatikanaji wa teknolojia kwa ajili ya jitihada hizo.

 

Kwa upande wake, Mhe. Sultan Ahmed Al Jaber, aliishukuru Tanzania kwa kuahidi kushiriki Mkutano wa COP 28 na kwamba Umoja wa Falme za Kiarabu umejipanga kuhakikisha Mkutano wa COP 28 unaleta matokeo chanya katika jitihada za kukabiliana na athari za mabadiliko ya Tabianchi Duniani.

 

Aidha, Mhe. Al Jaber aliahidi kuunga mkono masuala ya kipaumbele ya Tanzania katika Mkutano huo kwa kuzingatia uhusiano mzuri uliopo kati ya Tanzania na UAE.

 

Mhe. Al Jaber ni Rais ajaye wa Mkutano wa Cop 28 unaotarajiwa  kufanyika Dubai, mwezi Disemba 2023.

 

Rais Mhe. Samia Suluhu Hassan aswali Swala ya Eid al -Adha katika Msikiti wa Mikocheni B Jijini Dar es Salaam

Rais Mhe. Samia Suluhu Hassan aswali Swala ya Eid al -Adha katika Msikiti wa Mikocheni B Jijini Dar es Salaam

Rais wa Jamhuri ya Muungano wa Tanzania Mhe. Samia Suluhu Hassan akitoka kuswali Swala ya Eid  al- Adha kwenye Msikiti Maarufu kwa jina la ‘Msikiti wa Mwinyi’ Mikocheni B Jijini Dar es Salaam tarehe 10 Julai, 2022. PICHA NA IKULU

WAZIRI SILAA ATAKA SIKU MIA MOJA KUTUMIKA KUTATUA MIGOGORO YA ARDHI

 WAZIRI SILAA ATAKA SIKU MIA MOJA KUTUMIKA KUTATUA MIGOGORO YA ARDHI

 

Na Munir Shemweta, WANMM

 

Waziri wa Ardhi Nyumba na Maendeleo ya Makazi Mhe. Jerry Silaa ameelekeza  watendaji wa sekta ya ardhi nchini kuhakikisha ndani ya siku mia moja kuanzia sept 4, 2023 wanatatua migogoro ya ardhi kwa kadri ya uwezo wa nafasi zao.

 

Aidha, ametaka waliovamia maeneo ya wazi kuanza kuondoka mara moja huku akielekeza viongozi na watendaji wa wizara ya ardhi wenye mamlaka ya kusimamia sheria kuhakikisha ndani ya siku hizo mia moja maeneo hayo yanakuwa wazi.

 

Waziri Silaa ametoa kauli hiyo wakati akizumgumza na Menejiment ya Wizara ya Ardhi Nyumba na Maendeleo ya Makazi mara baada ya kukabidhiwa ofisi na mtangulizi wake Dkt Angeline Mabula tarehe 4 Sept 2023 katika ofisi za wizara hiyo eneo la Mtumba Dodoma.

 

"Nawaomba na kuwaelekeza watendaji wote ambao sheria imewapa mamlaka kwa kiasi chao cha kutatua migogoro ndani ya siku hizi mia moja atatue kwa kadri ya uwezo wake.

 

Waziri huyo wa Ardhi amewataka pia watendaji wa sekta ya ardhi kusimamia haki halali wakati wa kutekeleza majukumu yao bila kujali sura wala rangi huku akionya wanaotumia fedha kunyima haki za wengine.

 

Silaa alielezea pia suala la migogoro ya matumizi ya ardhi kwenye maeneo mbalimbali na kubainisha kuwa, maelezo ya Rais Samia Suluhu Hassan katika utatuzi wa migogoro ya àrdhi katika maeneo wanayoishi wananchi ni lazima busara itumike.

 

"Mhe Rais ameelekeza katika utatuzi wa migogoro ya ardhi katika maeneo ambayo wananchi wanaishi busara itumike, kwa sababu wale ni watu na wakati mwingine maamuzi yakifanyika kuwaondosha athari inaweza kuwa kubwa kuliko faida, naomba hilo mlizingatie" alisema Silaa.

 

Akigeukia suala la ufanisi kazini, Silaa ametaka mabadiliko makubwa katika utendaji ili kuleta ufanisi wa kazi huku akiahidi kuwepo mifumo mizuri itakayohakikisha kazi wanazofanya watendaji zinapimika, kuelekezeka sambamba na kuifanya serikali ya CCM imeweza kutekeleza ahadi zake kwa wananchi.

 

Kuhusu mifumo ya Tekonolojia ya Habari na Mawasiliano (TEHAMA), amesema amesikitika kuona watu wakielezea matumizi ya mifumo huku wananchi wakiendelea kwenda kwenye ofisi kuhitaji baadhi ya huduma za mifumo hiyo.

 

"Tunafanya kazi in a primitive way, kazi very manual na tukiendelea hivyo efficiency ya wizara itazidi kupungua na huku tunakoelekea tutaipeleka nchi katika eneo baya, tuna kazi ya kufanya, tuwe na modern ICT system tu na tuwe modern app ili watu waweze kuzungumza na wizara na kujiona huru’’ alisema Silaa.

 

Pia alielezea suala la vituo vya mafuta na kubainisha kuwa ipo Kanuni ya Mwaka  2018 inayotaka kituo cha mafuta kiwe umbali wa mita za mraba 400 yaani mita 20 kwa 20 na kuweka kuwa kuanzia tarehe 1 sept 2023 wote walioomba kinyume na kanuni hiyo maombi yao yasimamishwe  watakapokutana na kushauriana.

 

Awali wakati wa makabidhiano ya ofisi aliyekuwa Waziri wa Ardhi Dkt Angeline Mabula alisema, alipoingia na anapoicha wizara hiyo ana imani iko kwenye hali nzuri zaidi na ni imani yake Waziri Silaa atakuwa hana changamoto nyingi kama alivyozikuta wakati anakabidhiwa wizara.

 

‘’Nimshukuru Rais Samia Suluhu Hassan sekta ameisogeza vizuri na tunakwenda na tukumbuke ameifungua nchi uwekezaji unakuja kwa kasi na sisi kama wizara ndiyo tunamiliki ardhi’’ alisema Dkt Mabula

 

---------MWISHO-------------

 

 

 Waziri wa Ardhi Nyumba na Maendeleo ya Makazi Mhe. Jerry Silaa akikabidhiwa ofisi na aliyekuwa waziri wa wizara hiyo Dkt Angeline Mabula katika ofisi za wizara eneo la Mtumba jijini Dodoma tarehe 4 Sept 2023.

 

 Aliyekuwa Waziri wa Ardhi Dkt Angeline Mabula akizungumza mara baada ya kukabidhi ofisi kwa waziri wa wizara hiyo Jerry Silaa tarehe 4 Sept 2023 jijini Dodoma.

 

Waziri wa Ardhi Nyumba na Maendeleo ya Makazi Mhe. Jerry Silaa (katikati) akiwa katika picha ya pamoja na aliyekuwa waziri wa wizara hiyo Dkt Angeline Mabula (wa pili kushoto), Naibu Waziri Geofrey Pinda (wa kwanza kushoto), Katibu Mkuu Mhandisi Anthony Sanga (wa pili kulia) na Naibu Waziri Lucy Kabyemera mara baada ya makabidhiano ya ofisi jijini Dodoma tarehe 4 Sept 2023.

 

Aliyekuwa Waziri wa Ardhi Dkt Angeline Mabula (kulia) akiagana na aliyekuwa Naibu wake Geofrey Pinda. (PICHA ZOTE NA WIZARA YA ARDHI)

RAIS wa Zanzibar na Mwenyekiti wa Baraza la Mapinduzi Al hajj Dk. Hussein Ali Mwinyi, amewaomba waumini wa dini ya Kiislam nchini kuendelea kumuombea dua njema na kuliombea Taifa

 Zanzibar, 

01 Septemba, 2023 

RAIS wa Zanzibar na Mwenyekiti wa Baraza la Mapinduzi Al hajj Dk. Hussein Ali Mwinyi, amewaomba waumini wa dini ya Kiislam nchini kuendelea kumuombea dua njema na kuliombea taifa kuendelea na amani, utulivu mshikamano na ushirikiano wa watu wake kwa nia ya kuendeleza maendeleo yaliopo. 

Al hajj Dk. Mwinyi aliyasema hayo Msikiti wa Ijumaa Masjid Al Rahman Mbombasa Wilaya ya magharibi B Mkoa wa Mjini Magharibi alipojumuika pamoja na waumini wa dini ya Kiislam kwenye ibada ya sala ya Ijumaa. 

Dk. Mwinyi aliwaomba waumini hao wasichoke kumuombea du’a kwa Mwenyezi Mungu pamoja na kuwaombea viongozi wengine wa Taifa kwani wanamajukumu makubwa ya nchi kuyatekeleza na kuyafanikisha. 

“Tunaomba dua zenu kwasababu tunazihitaji, majukumu tuliyonayo yakuongoza makubwa na mazito, yanahitaji du’a, kila tunapokutana kama hivi tunaomba mtuombee du’a Mwenyezi Mungu atupe wepesi kwenye majukumu yetu” alisisitiza Al hajj Dk. Mwinyi. 

Pia Al hajj Dk. Mwinyi aliwashukuru waumini hao na kueleza kufurahishwa kwake kwa kujumika nao pamoja kwenye ibada ya sala hiyo. 

Mapema akizungumza kwenye ibada hiyo, Katibu Mtendaji kutoka Ofisi ya Mufti Zanzibar, Sheikh Khalid Ali Mfaume aliwahimiza waumini wa Masjid Al Rahman na wengine kwa ujumla kujiwekea utamaduni wa kukinai na kuridhika kwa neema walizojaaliwa na Allah (S.W). 

Nae Khatibu wa ibada ya sala ya Ijumaa msikitini hapo, Shekh Mussa Ali Mohammed wakati akihutubu, aliwausia waumini wa dini ya Kiislam kuongeza jitihada kwenye ibada zao ili kufuzu mitihani ya Mwenyezi Mungu sambamba na kuangalia fasi zao kwa kujikinga na tamaa za matamanio ya nafsi kwa kutenda mema na kujiepusha na maovu aliyoyachukia Mwenyezi Mungu (S.W). 

Wakati huo huo, Al Hajj Dk. Mwinyi aliwajuulia hali baadhi ya wazee wa jimbo la Kwahani akiwemo Mzee Nassir Ali Kombo na Said Alawiy pamoja na kuitembelea familia ya Marehemu Bi Khadija Abbas Rashid, Kwenda kutoa mkono wa pole kufuatia kifo chake kilichotokea hivi karibuni. 

Marehemu Bi Khadija Abbas alikua ni mmoja wa walioshiriki zoezi la kuchanganya udongo wa Muungano baina ya Tanganyika na Zanzibar kwenye sherehe za kutimiza mwaka mmoja wa maadhimisho ya sherehe za Muungano wa Tanzania mwaka 1965. 

IDARA YA MAWASILIANO IKULU, ZANZIBAR.

Rais Mhe. Samia Suluhu Hassan ahutubia katika Kilele cha Tamasha la Kizimkazi, Paje Zanzibar

 Rais Mhe. Samia Suluhu Hassan ahutubia katika Kilele cha Tamasha la Kizimkazi, Paje Zanzibar

 

Rais wa Jamhuri ya Muungano wa Tanzania Mhe. Samia Suluhu Hassan akiwahutubia Viongozi pamoja na Wananchi kutoka sehemu mbalimbali nchini wakati wa Kilele cha Tamasha la Kizimkazi lililofanyika Paje, Zanzibar tarehe 31 Agosti, 2023.

Rais wa Jamhuri ya Muungano wa Tanzania Mhe. Samia Suluhu Hassan akiwahutubia Viongozi pamoja na Wananchi kutoka sehemu mbalimbali nchini wakati wa Kilele cha Tamasha la Kizimkazi lililofanyika Paje, Zanzibar tarehe 31 Agosti, 2023.

Rais wa Jamhuri ya Muungano wa Tanzania Mhe. Samia Suluhu Hassan akiwahutubia Viongozi pamoja na Wananchi kutoka sehemu mbalimbali nchini wakati wa Kilele cha Tamasha la Kizimkazi lililofanyika Paje, Zanzibar tarehe 31 Agosti, 2023.

Vijana wa Chama cha Mapinduzi (CCM) wakipita kwa Maandamano mbele ya Jukwaa Kuu katika kilele cha Tamasha la Kizimkazi lililofanyika Paje Zanzibar tarehe 31 Agosti, 2023.

Vijana wa Chama cha Mapinduzi (CCM) wakipita kwa Maandamano mbele ya Jukwaa Kuu katika kilele cha Tamasha la Kizimkazi lililofanyika Paje Zanzibar tarehe 31 Agosti, 2023.

Viongozi mbalimbali pamoja na Wananchi wakiwa kwenye viwanja vya Paje kwa ajili ya kuhudhuria Kilele cha Tamasha la Kizimkazi lililofanyika Zanzibar tarehe 31 Agosti, 2023.

Viongozi mbalimbali pamoja na Wananchi wakiwa kwenye viwanja vya Paje kwa ajili ya kuhudhuria Kilele cha Tamasha la Kizimkazi lililofanyika Zanzibar tarehe 31 Agosti, 2023.

Viongozi mbalimbali pamoja na Wananchi wakiwa kwenye viwanja vya Paje kwa ajili ya kuhudhuria Kilele cha Tamasha la Kizimkazi lililofanyika Zanzibar tarehe 31 Agosti, 2023.

Viongozi mbalimbali pamoja na Wananchi wakiwa kwenye viwanja vya Paje kwa ajili ya kuhudhuria Kilele cha Tamasha la Kizimkazi lililofanyika Zanzibar tarehe 31 Agosti, 2023.

Viongozi mbalimbali pamoja na Wananchi wakiwa kwenye viwanja vya Paje kwa ajili ya kuhudhuria Kilele cha Tamasha la Kizimkazi lililofanyika Zanzibar tarehe 31 Agosti, 2023.

Viongozi mbalimbali pamoja na Wananchi wakiwa kwenye viwanja vya Paje kwa ajili ya kuhudhuria Kilele cha Tamasha la Kizimkazi lililofanyika Zanzibar tarehe 31 Agosti, 2023.

Viongozi mbalimbali pamoja na Wananchi wakiwa kwenye viwanja vya Paje kwa ajili ya kuhudhuria Kilele cha Tamasha la Kizimkazi lililofanyika Zanzibar tarehe 31 Agosti, 2023.

Viongozi mbalimbali pamoja na Wananchi wakiwa kwenye viwanja vya Paje kwa ajili ya kuhudhuria Kilele cha Tamasha la Kizimkazi lililofanyika Zanzibar tarehe 31 Agosti, 2023.

Viongozi mbalimbali pamoja na Wananchi wakiwa kwenye viwanja vya Paje kwa ajili ya kuhudhuria Kilele cha Tamasha la Kizimkazi lililofanyika Zanzibar tarehe 31 Agosti, 2023.

WIZARA YA ARDHI YAJA NA MABADILIKO MAKUBWA YA KIMFUMO

WIZARA YA ARDHI YAJA NA MABADILIKO MAKUBWA YA KIMFUMO

Na Munir Shemweta, WANMM, 

BAGAMOYO

Wizara ya Ardhi Nyumba na Maendeleo ya Makazi imesema inaendelea kufanya maboresho makubwa ya kimfumo na muundo kwa lengo la kuewezesha mambo mengi ya wizara hiyo kufanyika  kimfumo,

Hayo yamebainishwa leo tarehe 31 Agosti 2023 na Katibu Mkuu Wizara ya Ardhi Nyumba na Maendeleo ya Makazi Eng. Anthony Sanga wakati akizindua zoezi la kuondoa mlundikanao wa mashauri katika Mabaraza ya Ardhi na Nyumba ya Wilaya, uzinduzi uliofanyika wilayani Bagamoyo mkoa wa Pwani.

Amesema, kumekuwa na changamoto kubwa hasa wananchi wa kawaida wanapokwenda ofisi za ardhi kupata namba ya malipo (Control number) hivyo wizara inakuja na mfumo utakaomuwezesha mwananchi kupata namba hiyo ya malipo mwenyewe.

‘’Kumekuwa na changamoto kubwa hasa wananchi wetu wa kawaida wanapokwenda ofisi zetu za ardhi kupata tu control namba inakuwa changamoto, inakuwa kama ni deal sasa tunakuja na mfumo utakaomuwezesha mwananchi kupata control number mwenyewe’’ alisema Eng Sanga

Kwa mujibu wa Katibu Mkuu huyo wa Wizara ya Ardhi Nyumba na Maendeleo ya Makazi, hata suala la kufanya search kwa wananchi wanaotaka kununua nyumba au kiwanja nalo anaweza kufanya mwenyewe ambapo kwa sasa analazimika kutoa fedha ili kufanyiwa.

‘’Mnafahamu mtu akitaka kununua nyumba au kiwanja cha mtu katika kufanya upekuzi anaambiwa pia alipe shilingi elfu arobaini au laki moja afanyiwe haraka haraka nayo pia tunaenda kukomesha, mwananchi atafanya upekuzi mwenyewe’’ alisema Eng. Sanga

Aliongeza kwa kusema, kubwa zaidi katika maboresho hayo ni suala la kulipia kodi ya pango la ardhi ambapo kazi yake inakwenda kukamilika hivi karibuni ambapo wananchi wataweza kulipia kupitia simu ya mkononi sambamba na kupata bili kama wanavyopata katika maji.

‘’Utakapokuwa na namba ya NIDA utapata mambo yote,  katika wizara yetu ya ardhi wamelizingatia agizo la Mhe. Rais ambapo kwa kutumia kitambulisho cha NIDA mwananchi atapata taarifa zote kuhusina na masuala ya ardhi’’ alisema Eng Sanga.

Akigeukia zoezi la kuondoa mlundikano wa mashauri ya ardhi, amesema zoezi hilo ambalo uzinduzi wake umefanyika pia kwenye wilaya za Musoma, Tarime, Ifakara pamoja na Tabora katika kipindi  cha mwezi mmoja jumla ya mashauri 500 yanatarajiwa kusikilizwa na kutolewa maamuzi.

‘’Katika kipindi takriban siku nane toka kuanza kwa zoezi hili wenyeviti wameweza kusikiliza mashauri 243 katika Mabaraza niliyoyataja ambalo zoezi hilo linaendeshwa’’ alisema Eng Sanga.

Kwa upande wake Msajili wa Mabaraza ya Ardhi na Nyumba ya Wilaya nchini Stela Tullo ameishukuru Wizara ya Ardhi kupitia Mradi wa Uboreshaji Miliki za Ardhi kwa kuyawezesha Mabaraza kuhakikisha yale yanayoelemewa na migogoro angalau yanapata msaada wa wenyeviti kwenda kwenye mabaraza yenye mashauri mengi na kuyakalia vikao maalum kwa lengo la kusikilizwa na kutolewa maamuzi kwa wakati na haki.

---------------------------------------MWISHO--------------------------------------------

Katibu Mkuu Wizara ya Ardhi Nyumba na Maendeleo ya Makazi Eng. Anthony Sanga akizungumza wakati wa akizindua zoezi la kuondoa mlundikanao wa mashauri ya ardhi katika Mabaraza ya Ardhi na Nyumba ya Wilaya katika wilaya ya Bagamoyo mkoa wa Pwani tarehe 31 Agosti 2023.

Katibu Mkuu Wizara ya Ardhi Nyumba na Maendeleo ya Makazi Eng. Anthony Sanga akizindua zoezi la kuondoa mlundikanao wa mashauri ya ardhi katika Mabaraza ya Ardhi na Nyumba ya Wilaya, uzinduzi uliofanyika wilayani Bagamoyo mkoa wa Pwani tarehe 31 Agosti 2023.

Sehemu ya washiriki wa uzinduzi wa zoezi la kuondoa mlundikanao wa mashauri ya ardhi katika Mabaraza ya Ardhi na Nyumba ya Wilaya uliofanyika Bagamoyo mkoa wa Pwani tarehe 31 Agosti 2023.

Msajili wa Mabaraza ya Ardhi na Nyumba ya Wilaya Stela Tullo akizungumza kwenye uzinduzi wa zoezi la kuondoa mlundikanao wa mashauri ya ardhi katika Mabaraza ya Ardhi na Nyumba ya Wilaya uliofanyika wilayani Bagamoyo mkoa wa Pwani tarehe 31 Agosti 2023.

Katibu Mkuu Wizara ya Ardhi Nyumba na Maendeleo ya Makazi Eng. Anthony Sanga akisikiliza moja ya shauri katika Baraza la Ardhi na Nyumba la wilaya ya Bagamoyo mara baada ya kuzindua zoezi la kuondoa mlundikanao wa mashauri ya ardhi katika Mabaraza ya Ardhi na Nyumba ya Wilaya tarehe 31 Agosti 2023.

Mwenyekiti wa Baraza la Ardhi Nyumba na Wilaya wilaya ya Kibaha na Bagamoyo Mhe. Mathias Lung’wecha akiendesha shauri la ardhi lililohudhuriwa na Katibu Mkuu wizara ya Ardhi Nyumba na Maendeleo ya Makazi Eng. Anthony Sanga. Wengine katika picha ni Wazee wa Baraza.

Baadhi ya Wadaawa wakioongozwa na Wakili wakiwa katika usikilizwaji shauri la ardhi katika Baraza la Ardhi na Nyumba la wilaya ya Bagamoyo tarehe 31 Agosti 2023. (PICHA ZOTE NA WIZARA YA ARDHI)

HEINEKEN KUSHIRIKIANA NA WIZARA YA UTAMADUNI, SANAA NA MICHEZO KUKUZA VIPAJI NCHINI

HEINEKEN KUSHIRIKIANA NA WIZARA YA UTAMADUNI, SANAA NA MICHEZO KUKUZA VIPAJI NCHINI

Katibu Mkuu wa wizara ya Utamaduni, Sanaa na Michezo Bw. Saidi Yakubu amekutana na kufanya mazungumzo na Mkuu wa masuala ya ushirikiano kimataifa kutoka kampuni ya vinywaji vya Heineken Bw. Frank Ford ambapo wamejadiliana namna bora ya kushirikiana na kuendeleza Sekta za Utamaduni, Sanaa na Michezo.

Kikao cha viongozi hao kimefanyika Agosti 30, 2023 katika ofisi za wizara hiyo zilizopo Uwanja wa Benjamin Mkapa jijini Dar es Salaam, ambapo wamejadiliana kutumia matukio ya Michezo na Sanaa katika kuwahudumia wananchi kupitia matamasha, mikutano mbalimbali, tuzo za michezo, tuzo za filamu, tuzo za muziki pamoja na uibuaji na uendelezaji wa vipaji vya michezo na Sanaa.

Katibu Mkuu Yakubu amesema Wizara ipo mstari wa mbele kuhakikisha sekta za Utamaduni, Sanaa na Michezo zinapata ufadhili kutoka kwa makampuni mbalimbali ndani na nje ya nchi ili kuendeleza vipaji vya Sanaa na michezo nchini.

Kwa upande wake Bw. Frank Ford ameupongeza uongozi wa Wizara kwa kazi nzuri inayofanya kuendeleza sanaa na michezo nchini na kuahidi kampuni yake itaendelea kushirikiana na Wizara katika kuendeleza sekta za Utamaduni, Sanaa na Michezo.



Rais Mhe. Samia Suluhu Hassan ahudhuria Tamasha la Kizimkazi (Usiku wa Samia) kwenye Tamasha la Kizimkazi, Paje Zanzibar

Rais wa Jamhuri ya Muungano wa Tanzania Mhe. Samia Suluhu Hassan akiwasili katika viwanja vya Paje kwa ajili ya kuhudhuria Tamasha la Kizimkazi (Usiku wa Samia) Paje Zanzibar tarehe 30 Agosti, 2023.

Rais wa Jamhuri ya Muungano wa Tanzania Mhe. Samia Suluhu Hassan akielekea Jukwaa Kuu kwa ajili ya kuhudhuria Tamasha la Kizimkazi (Usiku wa Samia) Paje Zanzibar tarehe 30 Agosti, 2023.



Rais wa Jamhuri ya Muungano wa Tanzania Mhe. Samia Suluhu Hassan akiangalia vikundi mbalimbali vya Sanaa vikitumbuiza kwenye Tamasha la Kizimkazi (Usiku wa Samia) katika viwanja vya Paje Zanzibar tarehe 30 Agosti, 2023.



Viongozi, Wananchi kutoka sehemu mbalimbali nchini wakiwa kwenye viwanja vya Paje kuhudhuria Tamasha la Kizimkazi (Usiku wa Samia) lililofanyika Paje Zanzibar tarehe 30 Agosti, 2023.

Tanzania Mhe. Samia Suluhu Hassan akiangalia Simba wakati akikagua mabanda mbalimbali yaliyopo kwenye viwanja vya Paje katika Tamasha la Kizimkazi (Usiku wa Samia) Zanzibar tarehe 30 Agosti, 2023.