MKUU WA WILAYA YA LUSHOTO AONGOZA HARAMBEE

MKUU WA WILAYA YA LUSHOTO AONGOZA HARAMBEE YA KUCHANGIA UJENZI WA NYUMBA ZA POLISI WILAYA YA LUSHOTO

Mkuu wa Wilaya ya Lushoto ndugu Kalisti Lazaro ameongoza Harambee ya Kuchangia Ujenzi wa Nyumba za Askari wa Jeshi la Polisi Wilaya ya Lushoto.

Mkuu wa Wilaya aliambatana na Mbunge wa Jimbo la Lushoto Alhaji Shabani Omary Shekilindi, Mwenyekiti wa Halmashauri ya Wilaya ya Lushoto ndugu Mathew Mbaruku, Msaidizi wa Kamanda wa Jeshi la Polisi Mkoa wa Tanga Kamanda David Mafwimbo na Kamanda wa Traffic Mkoa wa Tanga Kamanda ...

Harambee hiyo ya Kuchangia Fedha za Ujenzi wa Nyumba za Polisi Lushoto ilifanyika kwenye Ofisi za Jeshi la Polisi Wilaya ya Lushoto na ilihudhuriwa na Wafanyabiashara mbalimbali wa Wilaya ya Lushoto, Wakuu wa Taasisi za Umma na Binafsi na Taasisi za Dini zilizopo katika Wilaya ya Lushoto.

Jumla ya Tsh 1,460,000/= zilitolewa papo hapo na Ahadi ya Tsh 19,300,000/= ilitolewa huku Mchanga Lori 14 na Mifuko 1,230 ya Cement ikihaidiwa kutolewa kufanya Jumla ya Tsh 20,760,000/= na Ahadi ya Mifuko ya Cement 1,230 na Lori 14 za Mchanga

Akiwakaribisha Wadau Mkuu wa Wilaya alisema "Karibuni sana katika Jambo hili jema, ninajisikia faraja kuona mmeitikia wito wangu na wakati ninawaalika sikuwaambia kuwa tunakuja kufanya Harambee ya Kuchangia Ujenzi wa Nyumba za Askari. Tumewazungusha kwenye Jengo hili jipya ambalo ndiyo litakuwa Makao Makuu ya Jeshi la Polisi Lushoto ili mjionee wenyewe hali ilivyo na tumewapeleka mkaone zile Nyumba za Askari wetu wanazoishi kwa sasa, kwa kweli hazina hadhi na hazifai kabisa kuwa Makazi ya watu. Serikali Kuu imetoa Tsh 250,000,000/= kumalizia Jengo la Makao Makuu ya Jeshi la Polisi Lushoto na tayari Jeshi la Polisi limeshatoa Tsh 167,000,000/= kwa ajili ya Ujenzi wa Nyumba za Askari wa Jeshi la Polisi Wilaya ya Lushoto. Nimeona niwaite ili tuongeze nguvu kuikamilisha kazi hii kwa wakati. Makadirio ya Ujenzi wa Nyumba za Askari wa Jeshi la Polisi Lushoto ni Tsh 300,000,000/=

Naye Kamanda David Mafwimbo ambaye ni Msaidizi wa Kamanda wa Jeshi la Polisi Mkoa wa Tanga aliwapongeza Wadau kwa Kuhudhuria na namna walivyolipokea Jambo hilo kama la kwao na Kuchangia Fedha na Vifaa, Kamanda David Mafwimbo alisema, " Kwanza pok