NMB YAKABIDHI MSAADA WA VIFAA TIBA VYENYE THAMANI YA SHILINGI MILIONI TATU KITUO CHA AFYA MKINGA (KIWEGU)
Makabidhiano haya yamefanyika leo tarehe 9.11.2022 Kituoni hapo ambapo Meneja wa NMB Kanda ya Kaskazini Bw. Dismas Prosper amemkabidhi Mh. Mkuu wa Wilaya Mkinga Kanali Maulid Hassan Surumbu Vifaa hivyo ikiwemo Vitanda vya kujifungulia Viwili pamoja na Mashuka 100.
Aidha Mkuu wa Wilaya ameishukuru Bank ya NMB kwa msaada huo ambao ni sehemu ya mchango wao kwa jamii zikiwemo jamii za wana Mkinga.
Vilevile Mkurugenzi wa Halmashauri hiyo Bi.Zahara Msangi ameishukuru sana Bank ya NMB kwa kumthamini Mama pamoja na Mtoto kwa msaada walioenda hasa kwa kundi hilo.
"Afya ya Mama ni muhimu sana tena kipindi ambavho anakwenda kujifungua kwani pale anaenda kuongeza idadi ya watu amabo ni nguvu kazi ya Taifa letu, asanteni sana na naamini Mungu atawalipa pale mlipotoa".
Mwisho Mganga Mkuu wa Wilaya Dr. Joseph Ligoha amewashukuru sana Uongozi wa NMB Kanda ya Kaskazini na na Tawi la Mkinga kwa kujitoa kwao kusaidia vifaa hivyo muhimu sana.
