RAIS MWINYI:MIAKA 61 YA MAPINDUZI NCHI INA MAENDELEO MAKUBWA.

 Rais wa Zanzibar na Mwenyekiti wa Baraza la Mapinduzi, Dk. Hussein Ali Mwinyi, amebainisha kuwa katika miaka 61 ya Mapinduzi ya Zanzibar nchi imeshuhudia hatua kubwa ya maendeleo katika miundombinu mbalimbali ikiwemo elimu, afya, umeme, maji, barabara, teknolojia, madaraja  na bandari  katika miradi yote hii wahitimu wa Taasisi hii ni miongoni mwa wahandisi ambao waliotoa mchango mkubwa sana kufanikisha maendeleo hayo.

Rais Dk.Mwinyi ameyasema hayo kwenye mahafali ya 10 ya Taasisi ya  Sayansi na Teknolojia ya Karume, Mbweni, Mkoa wa Mjini Magharibi tarehe 21 Disemba 2024.

Aidha, Rais Dk.Mwinyi amewasisitiza wahitimu wa Taasisi ya Sayansi na Teknolojia ya Karume, kuitafsiri elimu waliyoipata kwa vitendo badala ya nadharia ili kutoa mchango wao kwa maendeleo ya nchi.

Rais Dk.Mwinyi amesema Serikali itaendelea kutambua umuhimu wa taasisi hiyo kama chachu ya maendeleo kwa kuzalisha wataalamu wenye ujuzi katika sekta mbalimbali.

Halikadhalika Rais Dk.Mwinyi amesema kuanzishwa kwa Taasisi hiyo ni jitihada ya kutafsiri kwa vitendo dhamira ya elimu ya amali na ufundi na kuwapa mbinu wananchi za kujitegemea ikiwa ni hatua muhimu ya ilani ya Chama cha Afro Shirazi iliyokuwa na dira na malengo ya muda mrefu ya kuandaa rasilimali watu kwa kuitumikia nchi na kusukuma mbele maendeleo. 

Hatua  hiyo inakwenda sawasawa na Ilani ya Uchaguzi ya Chama Cha Mapinduzi ya 2020 - 2025 inayoweka mkazo kwa vijana kupewa elimu ya amali na ufundi ili wajitegemee badala ya kusubiri ajira chache zilizoko katika mfumo wa Serikali.

Rais Dk.Mwinyi ameeleza  kuwa tangu kuanza kwa Awamu ya Nane, Serikali imeipatia taasisi hiyo, miradi mikubwa miwili ikiwemo kuwajengea uwezo Vijana Kujiajiri na Kuajirika katika Sekta ya Uchumi wa Buluu pamoja na mafunzo katika sekta ya ufundi na sayansi na teknolojia yenye viwango vinavyokubalika kitaifa na kimataifa ambayo kumalizika kwake kutaimarisha miundombinu ya Taasisi hiyo pamoja na rasilimali watu.

WAZIRI MKUU AKAGUA MAENDELEO YA MRADI WA MAJI KISESA, MWANZA.

 Waziri Mkuu Kassim Majaliwa leo Desemba 21, 2024 amewasili mkoani Mwanza kwa ziara ya kikazi na kukagua maendeleo ya ujenzi wa mradi wa tenki la kuhifadhi maji la Kisesa, mkoani Mwanza ikiwa ni Mpango wa muda wa kati wa kuboresha huduma ya maji Mwanza ambao unatarajiwa kugharimu shilingi bilioni 3.54.

Mradi huo ambao unafadhiliwa na Serikali ya Tanzania na Shirika la Maendeleo la Ufaransa (France Development Agency) hadi kukamilika kwake na mpaka sasa umefikia asilimia 93 na unatarajiwa kuhudumia wananchi 75,000 wa maeneo ya Kisesa Bujora, Igudija na swhemu za jirani.

Akizungumza na wananchi wa eneo la Kisesa baada ya kukagua mradi huo Mheshimiwa Majaliwa amesema kuwa Serikali ya Awamu ya Sita inayoongozwa na Rais Dkt. Samia Suluhu Hassan imefanya kazi kubwa ya utekelezaji wa miradi mikubwa inayowagusa wananchi moja kwa moja kwenye sekta za elimu, afya, maji, kilimo, uvuvi na barabara.

Kwa Upande wake, Waziri wa Maji Jumaa Aweso amesema wizara hiyo itaendelea kusimamia maagizo ya Rais Dkt. Samia ya kuhakikisha wananchi wanapata maji katika maeneo yao.“Mheshimiwa Rais Dkt. Samia alisema hataki kuona wananchi wanateseka kutafuta maji”.

Naye Kaimu Mkurugenzi Mtendaji wa Mamlaka ya Majisafi na Usafi wa Mazingira Mwanza (MWAUWASA) Nelly Msuya amesema kuwa Matenki mengine yatajengwa katika maeneo ya vilima vinavyozunguka Mji wa Mwanza ikiwemo Nyamazobe (lita milioni 10), Buhongwa (Lita milioni 5), Fumagila (Lita milioni 10) na Usagara (lita milioni 1). “Utekelezaji wa mradi huu wa thamani ya Tsh. Bilioni 49 umeanza na unatarajiwa kukamilika ndani ya miaka miwili (2) ifikapo Desemba 2026”.

Aidha, Amesema kuwa ujenzi wa tenki la Kisesa lenye ujazo wa lita milioni 5, unatarajiwa kukamilika ifikapo Februari, 2025.

WAZIRI MKUU AKAGUA MAENDELEO YA MRADI WA MAJI KISESA, MWANZA.

Waziri Mkuu Kassim Majaliwa leo Desemba 21, 2024 amewasili mkoani Mwanza kwa ziara ya kikazi na kukagua maendeleo ya ujenzi wa mradi wa tenki la kuhifadhi maji la Kisesa, mkoani Mwanza ikiwa ni Mpango wa muda wa kati wa kuboresha huduma ya maji Mwanza ambao unatarajiwa kugharimu shilingi bilioni 3.54.

Mradi huo ambao unafadhiliwa na Serikali ya Tanzania na Shirika la Maendeleo la
Ufaransa (France Development Agency) hadi kukamilika kwake na mpaka sasa umefikia asilimia 93 na unatarajiwa kuhudumia wananchi 75,000 wa maeneo ya Kisesa Bujora, Igudija na swhemu za jirani.

Akizungumza na wananchi wa eneo la Kisesa baada ya kukagua mradi huo Mheshimiwa Majaliwa amesema kuwa Serikali ya Awamu ya Sita inayoongozwa na Rais Dkt. Samia Suluhu Hassan imefanya kazi kubwa ya utekelezaji wa miradi mikubwa inayowagusa wananchi moja kwa moja kwenye sekta za elimu, afya, maji, kilimo, uvuvi na barabara.

Kwa Upande wake, Waziri wa Maji Jumaa Aweso amesema wizara hiyo itaendelea kusimamia maagizo ya Rais Dkt. Samia ya kuhakikisha wananchi wanapata maji katika maeneo yao.“Mheshimiwa Rais Dkt. Samia alisema hataki kuona wananchi wanateseka kutafuta maji”.

Naye Kaimu Mkurugenzi Mtendaji wa Mamlaka ya Majisafi na Usafi wa Mazingira Mwanza (MWAUWASA) Nelly Msuya amesema kuwa Matenki mengine yatajengwa katika maeneo ya vilima vinavyozunguka Mji wa Mwanza ikiwemo Nyamazobe (lita milioni 10), Buhongwa (Lita milioni 5), Fumagila (Lita milioni 10) na Usagara (lita milioni 1). “Utekelezaji wa mradi huu wa thamani ya Tsh. Bilioni 49 umeanza na unatarajiwa kukamilika ndani ya miaka miwili (2) ifikapo Desemba 2026”.

Aidha, Amesema kuwa ujenzi wa tenki la Kisesa lenye ujazo wa lita milioni 5, unatarajiwa kukamilika ifikapo Februari, 2025.

DKT. NCHEMBA ATETA NA SAUDI FUND FOR DEVELOPMENT

 Waziri wa Fedha, Mhe. Dkt. Mwigulu Lameck Nchemba (Mb), ameongoza ujumbe wa Mawaziri wenzake akiwemo Waziri wa Viwanda na Biashara, Mhe., Dkt. Selemani Jafo na Waziri wa Nchi, Ofisi ya Rais, Fedha na Mipango Zanzibar, Mhe. Dkt. Saada Mkuya Salum, kutembelea Mfuko wa Maendeleo wa Saudi Arabia (Saudi Fund for Development-SFD), Mjini Riyadh nchini Saudi Arabia, ambapo walizungumza na Mwenyeji wao, Mkurugenzi Mtendaji wa Saudi Fund, Bw. Sultan Al-Marshad, na kujadili kwa kina masuala ya ushirikiano wa kiuchumi na kijamii kati ya Mfuko huo na Tanzania.

Mhe. Dkt. Nchemba, aliishukuru Saudi Arabia kupitia Mfuko huo kwa kuchangia maendeleo ya Tanzania katika sekta za maji, afya, nishati na ujenzi wa miundombinu ya barabara, ikiwemo ukarabati wa Mradi wa Maji mkoani Mara (USD 15m), Ujenzi wa Mradi wa Maji wa Same-Mwanga-Korogwe (USD 25m), ujenzi wa Barabara za Vijijini Awamu ya Pili-Zanzibar (USD 11.4m), Ukarabati na Upanuzi wa Hospitali ya Mnazi Mmoja-Zanzibar (USD 15m) na kushirikiana na wadu wengine kufadhili Mradi wa Ujenzi wa Njia ya Umeme wa msongo wa 220kV kuanzia Benako mkoani Kagera hadi Kyaka (USD 105.4m). 

Mazungumzo hayo pia yalishuhudiwa na Balozi wa Tanzania nchini Saudi Arabia, Mhe. Moh’d Juma Abdalla, Mkuu wa Idara Mashariki na Kati Mhe. Balozi Abdalah Abasi Kilima, Kamishna wa Idara ya Madeni-Wizara ya Fedha, Bw. Japhet Justine na Kaimu Kamishna wa Idara ya Fedha za Nje, Bw. Robert Mtengule.

Dk. MWINYI AWEKA JIWE ... FLYOVER KWEREKWE.

 ZANZIBAR,

20 DISEMBA, 2024

RAIS wa Zanzibar na Mwenyekiti wa Baraza la Mapinduzi, Dk. Hussein Ali Mwinyi, amewahakikishia wananchi kuwa Serikali ina mipango thabiti, madhubuti na mizuri ya kupata fedha kwa ajili ya maendeleo zaidi.

Ameyasema hayo alipoweka jiwe la msingi la ujenzi wa barabara za juu (Flyover) ya kwanza Zanzibar kwa awamu ya mwanzo, Mwanakwerekwe Wilaya ya Magharibi B,Mkoa wa Mjini Magharibi ikiwa ni ufunguzi wa shamrashamra za miaka 61 ya Mapinduzi ya Zanzibar.

Amesema, uzinduzi wa ujenzi wa (Flyover) hiyo ni mwendelezo wa kukamilisha ahadi na utekelezaji wa Ilani ya Uchaguzi ya Chama Cha Mapinduzi ambayo imevuka malengo kwa mafaniko makubwa ya ujenzi wa miradi ya maendeleo.

Rais Dk. Mwinyi amefahamisha kuwa ujenzi huo wa Flyover ni mwanzo wa mambo makubwa zaidi yanayokuja na kueleza Serikali inampango wa kujenga mradi mkubwa wenye makutano ya barabara nne za juu (Interchange Road) na kuwasisitiza wananchi kuendelea kuiunga mkono Serikali yao.

Aidha, Dk. Mwinyi ametoa indhari kwa wananchi kuwa na nidhamu ya matumizi ya hifadhi ya barabara kwa kuanchana na ujenzi wa kiholela wa makaazi na shughuli nyengine za jamii pembezoni mwa barabara.

Ameeleza hifadhi za barabara zimewekwa kwaajili ya kupitisha miundombinu mengine ikiwemo njia za maji, umeme, mawasiliano na mitaro ya maji machafu.

Rais Dk. Mwinyi pia amewasihi wanasiasa, viongozi wa umma na binafsi kuwa na uongozi wenye kuacha alama kwa kuweka maendeleo yenye kuacha historia kwa vizazi vya baadae.

Akizungumzia kaulimbiu ya miaka 61 ya Mapinduzi ya Zanzibar isemayo “Amani,Umoja na Mshikamano kwa Maendeleo yetu”, Rais Dk. Mwinyi amewasihi wananchi kuendeleza amani na mshikamano uliopo kwa lengo la kuiendeleza nchi kwa maendeleo.

Aidha, ameipongeza Wizara ya Ujenzi, Mawasiliano na Uchukuzi kwa kazi nzuri wanayofanya ya ujenzi wa miundombinu ya barabara, madaraja na mawasiliano.

Waziri wa Ujenzi, Mawasilianio na Uchukuzi, Dk. Khalid Salum Mohamed,amewasilisha shukurani za wananchi wa Zanzibar kwa Rais Dk. Mwinyi wanaompongeza kwa shughuli kubwa za maendeleo anazozifanya. Pia Dk. Khalid amezipongeza juhudi za Dk. Mwinyi za kuendelea kuiletea nchi Maendeleo.

Naye, Naibu Katibu mkuu Wizara ya Ujenzi, Mawasilianio na Uchukuzi, Makame Machano Haji, amesema ujenzi wa mradi huo hadi kukamilika kwake, utagharimu dola za kimarekani milioni 19 na takribani shilingi bilioni mbili zimetumika kwaajili ya kuwalipa fidia wananchi waliopisha mradi huo. Aliouelezea kuwa utapunguza msongamano wa vyombo vya usafiri katika makutano ya barabara za Mwanakwerekwe.

Akitoa salamu za Mkoa mkuu wa Mkoa wa Mjini Magharibi, Idriss Kitwana amemshukuru Rais Dk. Mwinyi kwa kuupa hadhi na heshima kwa miradhi mikubwa ya maendeo viwanja vya ndege vya kimaifa, masoko ya kisasa, Flyover ya Mwanza baada ya miaka 61.

Amewasisitiza wananchi kuendelea kumuunga Mkono Rais Dk. Mwinyi ili awaletea maendeleo zaidi.

Ujenzi wa Flyover hiyo, ulianza tarehe 01 Disemba mwaka 2023 na unatarajiwa kukamilika tarehe 20 Machi, 2025 ambapo hadi sasa umefikia asilimia 80.

IDARA YA MAWASILIANO, IKULU ZANZIBAR.