 |
| Balozi wa Tanzania nchini Kenya ambaye pia anaiwakilisha Jamhuri ya Muungano wa Tanzania nchini Sudani Kusini, Dr. John S Simbachawene (kulia) akiwasilisha Hati za Utambulisho kwa Mheshimiwa Salva Kiir Mayardit, Rais wa Jamhuri ya Sudani Kusini mjini Juba. |
Balozi wa Tanzania nchini Kenya ambaye pia anaiwakilisha Jamhuri ya Muungano wa Tanzania nchini Sudani Kusini, Dr. John S Simbachawene amewasilisha Hati za Utambulisho kwa Mheshimiwa Salva Kiir Mayardit, Rais wa Jamhuri ya Sudani Kusini mjini Juba.
Katika
mazungumzo, Mhe. Balozi Simbachawene pia amewasilisha salamu kutoka kwa
Mhe. Rais Samia Suluhu Hassan kwenda kwa Mhe. Rais Salva Kiir Mayardit.
Mhe. Salva Kiir ameeleza kufurahishwa na mahusiano mazuri yaliyopo kati
ya Tanzania na Sudani Kusini na ameahidi kuendelea kushirikiana na
Serikali ya Tanzania kukuza mahusiano hayo.
Kufuatia
majadiliano hayo, Tanzania na Sudani Kusini zitachukua hatua za
kuimarisha mahusiano ya kisiasa na kibiashara kati ya nchi hizo mbili.
Maeneo ya kipaumbele yaliyoanishwa katika kuimarisha uhusiano ni
ushirikiano wa kimataifa, kilimo, utalii, elimu na nishati.
Vilevile,
Tanzania na Sudani Kusini zimekubaliana kuingia Makubaliano ya
Ushirikiano kwa ajili ya kuanzisha Tume ya Pamoja ya Ushirikiano, na pia
kushirikiana katika kufundisha lugha ya Kiswahili nchini Sudani Kusini
