MWENYEKITI WA CCM NA RAIS MSTAAFU DKT. KIKWETE AHITIMISHA KAMPENI ZA UCHAGUZI KATIKA MAJIMBO MATANO YA ZANZIBAR

Na Mwandishi Wetu, Zanzibar

Mwenyekiti wa Chama Cha Mapinduzi (CCM) na Rais Mstaafu wa Awamu ya Nne, Dkt. Jakaya Mrisho Kikwete, leo amehitimisha rasmi kampeni za uchaguzi kwa majimbo matano ya Zanzibar, akiwataka wananchi wa pande zote mbili za Muungano kujitokeza kwa wingi ifikapo Oktoba 29 kupiga kura kwa amani, umoja na utulivu.

Dkt. Kikwete alihitimisha kampeni hizo katika mkutano mkubwa wa wa hadhara uliofanyikia katika uwanja wa Skuli ya Ghana jimbo la Uzini Wilaya ya Kati, Mkoa wa Kusini na Shehia ya Kiboje, na kuhitimisha kampeni za majimbo ya Tunguu, Chwaka na Uzini katika Wilaya ya Kati, pamoja na majimbo ya Paje na Makunduchi, Wilaya ya Kusini Unguja.

Akihutubia mkutano huo, Dkt Kikwete amesisitiza kuwa wananchi hawana sababu ya kuwa na wasiwasi, kwani Tanzania inasifika kwa utamaduni wa uchaguzi wa amani, uliosimama katika misingi ya demokrasia, uadilifu na umoja wa kitaifa.

Dkt. Kikwete amesema ana imani kubwa kuwa wagombea wa CCM wataibuka na ushindi kutokana na utekelezaji wa Ilani wa chama hicho kwa kiwango cha zaidi ya asilimia 85.

“Asilimia 15 zilizosalia ni miradi ambayo utekelezaji wake unaendelea. Yaani kazi imeshaanza. Hii inathibitisha msemo wetu kwamba ‘CCM ikiahidi, inatekeleza,’” alisema kwa msisitizo, akipigiwa makofi na wananchi.

Amesema Ilani ya CCM imeendelea kudumisha misingi ya uhuru, umoja, amani na utulivu wa nchi, huku akiwataka wananchi kuendelea kuilinda amani hiyo ambayo ni tunu ya taifa.

“Tanzania ni nchi yenye utulivu na usalama. Wapo waliowahi kujaribu kuivuruga amani hiyo, lakini hawakufaulu, na hawatafaulu sasa. Rais na Amieri Jeshi Mkuu Dkt. Samia Suluhu Hassan mwenyewe amewahakikishia Watanzania kuwa hakutakuwa na vurugu wala maandamano katika kipindi hiki cha uchaguzi,” aliongeza.

Dkt. Kikwete alieleza kuwa kwa mujibu wa Katiba ya Jamhuri ya Muungano wa Tanzania na Katiba ya Zanzibar, uchaguzi wa viongozi hufanyika kila baada ya miaka mitano, na mwaka huu, Oktoba 29, Watanzania watapiga kura kuchagua Rais wa Muungano, Rais wa Zanzibar, Wabunge, Wajumbe wa Baraza la Wawakilishi na Madiwani.

“CCM ina wagombea katika ngazi zote – kuanzia Rais Dkt. Samia Suluhu Hassan kwa Jamhuri ya Muungano, Dkt. Hussein Ali Mwinyi kwa Zanzibar, pamoja na wagombea wote wa ubunge, uwakilishi na udiwani katika kila jimbo, kata na wadi. Hii ndiyo nguvu ya chama chetu,” alisema Kikwete.

Akiendelea kueleza falsafa ya chama hicho, alisema CCM imekuwa na utamaduni wa kutoa Ilani ya Uchaguzi kila baada ya miaka mitano, ikieleza ahadi na vipaumbele vya chama vitakavyotekelezwa na serikali zake endapo kitapewa ridhaa.

“Ilani ndiyo mkataba kati ya CCM na wananchi. Huo ndio mwongozo wa viongozi wetu wanapotekeleza majukumu yao. Hata hivyo, wagombea hawazuiliwi kuongeza mambo mapya kulingana na mahitaji ya wananchi,” alifafanua.

Akitolea mifano, Dkt. Kikwete alisema viongozi mbalimbali wa CCM akiwemo Hayati Rais Benjamin Mkapa, Hayati Dkt. John Pombe Magufuli, na hata yeye mwenyewe, waliwahi kutoa ahadi nje ya Ilani kutokana na maoni ya wananchi waliokutana nao wakati wa kampeni.

“Ahadi ni deni, na wananchi hawasahau. Ni kama msemo ule wa ‘mla kunde husahau, lakini mtupa maganda hasahau,’” alisema kwa tabasamu.

Dkt. Kikwete pia alitoa pongezi maalumu kwa Rais Dkt. Samia Suluhu Hassan kwa namna anavyoendesha kampeni kwa uwazi, ukweli na ufasaha.

“Wananchi wanapenda kiongozi anayesema ukweli.

 Anayeonyesha mafanikio yaliyopatikana na kukiri changamoto zilizopo huku akieleza mipango ya kuzitatua. Huyo ndiye Rais wetu Dkt. Samia Suluhu Hassan, mwanamke jasiri, mkweli na mwenye dira ya maendeleo,” alisisisitiza

Aidha, alimpongeza Rais wa Zanzibar, Dkt. Hussein Ali Mwinyi, kwa kazi kubwa aliyoifanya katika kipindi chake cha uongozi, akisema kuwa ametekeleza miradi mingi mipya ambayo haikuwa hata kwenye Ilani ya CCM.

“Dkt. Mwinyi ameleta mapinduzi makubwa ya kiuchumi, kijamii na kiutawala Zanzibar. Hii ni ishara ya kiongozi mwenye maono na anayejali wananchi wake,” alisema.

Dkt. Kikwete alimaliza kwa kuwataka wananchi wote wa Zanzibar na Tanzania Bara kujitokeza kwa wingi siku ya uchaguzi, kupiga kura mapema, na kuhakikisha kuwa amani inatawala katika kila hatua ya zoezi hilo.

Tanzania ni yetu sote, na amani yake ni jukumu letu sote. Tuwaheshimu viongozi, tuwapigie kura kwa utulivu, na tushiriki katika kuimarisha demokrasia yetu,” alihitimisha huku akishangiliwa kwa vifijo na nderemo.

Mwisho

DKT. SAMIA: NIWAHAKIKISHIE, MAANDAMANO PEKEE YA OKT. 29 NI KUPIGA KURA

𝗗𝗞𝗧. 𝗦𝗔𝗠𝗜𝗔 𝗞𝗨𝗘𝗡𝗗𝗘𝗟𝗘𝗔 𝗞𝗨𝗜𝗙𝗨𝗡𝗚𝗨𝗔 𝗗𝗔𝗥 𝗘𝗦 𝗦𝗔𝗟𝗔𝗔𝗠 𝗞𝗪𝗘𝗡𝗬𝗘 𝗠𝗜𝗨𝗡𝗗𝗢𝗠𝗕𝗜𝗡𝗨 𝗬𝗔 𝗕𝗔𝗥𝗔𝗕𝗔𝗥𝗔 𝗡𝗔 𝗠𝗔𝗗𝗔𝗥𝗔𝗝𝗔

𝙈𝙧𝙖𝙙𝙞 𝙬𝙖 𝘿𝙈𝘿𝙋 𝙠𝙪𝙢𝙖𝙡𝙞𝙯𝙖 𝙘𝙝𝙖𝙣𝙜𝙖𝙢𝙤𝙩𝙤 𝙮𝙖 𝙢𝙖𝙛𝙪𝙧𝙞𝙠𝙤 𝘿𝙨𝙢.

Mgombea nafasi ya Rais wa Jamhuri ya Muungano wa Tanzania kupitia Chama Cha Mapinduzi (CCM) Rais Dkt. 𝗦𝗮𝗺𝗶𝗮 𝗦𝘂𝗹𝘂𝗵𝘂 𝗛𝗮𝘀𝘀𝗮𝗻 amesema kuwa akipata ridhaa ya kuongoza tena nchi kwa miaka mitano ijayo, atahakikisha Serikali yake itajenga barabara za makutano (fly over) katika barabara za Morocco, Mwenge, Magomeni, barabara ya Ali Hassan Mwinyi na Umoja wa Mataifa.

Dkt. Samia amesema sababu ya ujenzi huo ni kupunguza msongamano na kukuza shughuli za biashara katika maeneo mbalimbali ya jiji la Dar es Salaam ambapo zitaongeza tija katika ukuaji wa uchumi endelevu wenye kumgusa Mtanzania mmoja mmoja.

Akizungumza mbele ya kadamnasi ya wananchi wa Kinondoni na Ubungo alipokuwa akinadi Ilani ya Uchaguzi ya CCM (2025/30), sera na Ahadi zake katika viwanja vya Leaders Club, amesema atayakamilisha hayo pale ambapo wananchi watakwenda sambamba na kuchagau mafiga matatu kwa maana ya Rais kutoka CCM, Wabunge na Madiwani ili kuondoa makandokando katika kutekeleza majukumu hayo.

Pia, Mgombea Urais Dkt. Samia, ameahidi kujenga barabara ya Kimara - Mavurunza - Bonyokwa inayopita kwenye majimbo matatu ya Segerea, Ubungo na Kibamba yenye urefu wa kilomita 7 kwa kiwango cha lami huku akiongeza kuwa Serikali yake itatenga bajeti ili kujenga barabara nyingine muhimu kwa maendeleo ya wilaya zote zilizipo ndani ya Jiji la Dar es salaam.

Aidha, Dkt. Samia ameahidi kufanya utanuzi wa barabara ya Mwaikibaki yenye kilomita 9 kutoka Morocco - Kawe hadi Garden road pamoja na barabara ya Tegeta hadi Bagamoyo yenye urefu wa kilomita 57, Kibamba hadi Mloganzila yenye urefu wa kilomita 8.

Akigusia suala la changamoto ya mafuriko kwa baadhi ya maeno ya Jiji la Dar es salaam, Dkt. Samia amehaidi kuondoa changamoto hiyo katika kipindi cha mvua kwa maeneo mbalimbali ikiwemo yanayopakana na mto Gide, mto Mbezi na mto China akieleza kuwa changamoto hiyo itatatuliwa kupitia mradi wa pili wa uendelezaji wa Jiji la Dar es Salaam (DMDP)

𝗛𝗔𝗞𝗨𝗡𝗔 𝗧𝗜𝗦𝗛𝗜𝗢 𝗟𝗔 𝗨𝗦𝗔𝗟𝗔𝗠𝗔 𝗟𝗜𝗧𝗔𝗞𝗔𝗟𝗢𝗞𝗨𝗪𝗘𝗣𝗢, 𝗡𝗘𝗡𝗗𝗘𝗡𝗜 𝗠𝗞𝗔𝗣𝗜𝗚𝗘 𝗞𝗨𝗥𝗔 - 𝗗𝗞𝗧. 𝗦𝗔𝗠𝗜𝗔

𝙈𝙖𝙩𝙪𝙨𝙞 𝙣𝙞𝙖𝙘𝙝𝙞𝙚𝙣𝙞 𝙢𝙞𝙢𝙞, 𝙣𝙞𝙣𝙖𝙮𝙖𝙗𝙚𝙗𝙖 𝙠𝙬𝙖 𝙣𝙞𝙖𝙗𝙖 𝙮𝙚𝙣𝙪.

"..Niwahakikishie tarehe 29, kesho kutwa tu mwezi huu wa 10, niwaombe tokeni muende mkapige kura."

"Ninayeongea hapa ni Rais wa Jamhuri ya Muungano wa Tanzania na Amiri Jeshi Mkuu wa nchi hii, ninataka niwaambie, maandamano yatakayokuwepo ni ya watu kwenda vituoni kupiga kura, hakuna maandamano mengine yatakayokuwepo hapa.."

"..hakuna tishio la kiusalama litakalokuwepo, anayesemahapa ndiye Amiri Jeshi Mkuu wa Nchi hii."

"Niwaombe ndugu zangu, twendeni mkapige kura, twendeni mkapige kura... Ndugu zangu mengine niachieni mimi, matusi niachieni mimi, ninayabeba kwa niaba yenu"

"Niliapa kuwa Rais wa Tanzania, niliapa kuilinda Nchi hii kwa kudumisha Amani, Umoja na Mshikamano wetu"

Hayo yamesemwa na Mgombea wa nafasi ya Rais wa Jamhuri ya Muungano wa Tanzania kupitia Chama Cha Mapinduzi (CCM) Dkt. 𝗦𝗮𝗺𝗶𝗮 𝗦𝘂𝗹𝘂𝗵𝘂 𝗛𝗮𝘀𝘀𝗮𝗻 wakati akizungumza kwenye Viwanja vya Leaders Club, Kinondoni Jijini Dar es Salaam katika mkutano wa hadhara wa kampeni za Uchaguzi Mkuu uliofanyika leo tarehe 21 Oktoba 2025.

𝘾𝙃𝘼𝙂𝙐𝘼 𝙎𝘼𝙈𝙄𝘼, 𝘾𝙃𝘼𝙂𝙐𝘼 𝘾𝘾𝙈

DKT. SAMIA: TUTAHAKIKISHA DAR INAONDOKANA NA ADHA YA MAJI KWA MIRADI MIPYA

"Katika miaka mitano inayokuja, tutaendelea kukamilisha utekelezaji wa miradi ya Bwawa la Kidunda lenye thamani ya Shilingi bilioni 336, na bwawa hili la Kidunda litakwenda kuhudumia mikoa ya Dar es Salaam, Pwani na Morogoro. Lakini mradi wa pili tunaokwenda kuufanya ili kuondoa uhaba wa maji Dar es Salaam hasa wakati wa kiangazi, ni mradi mkubwa wa kutoa maji mto Rufiji ambao kazi ya upembuzi yakinifu na utafiti wa kina tayari tumekwishaianza na awamu hii tunakwenda kufanya utekelezaji ili Dar es Salaam ipate maji kutoka Kidunda, Ruvu na Mto Rufiji kuondoa kabisa kadhia ya uhaba wa maji", - Dkt. Samia.

Mgombea wa nafasi ya Urais wa Jamhuri ya Muungano wa Tanzania kupitia Chama Cha Mapinduzi (CCM) Dkt. Samia Suluhu Hassan akizungumza kwenye Viwanja vya Leaders Club, Kinondoni Jijini Dar es Salaam katika mkutano wa hadhara wa kampeni za Uchaguzi Mkuu wa Oktoba 21, 2025.

"Niwahakikishie tarehe 29, kesho kutwa tu mwezi huu wa 10, niwaombe tokeni muende mkapige kura. Ninayeongea hapa ni Rais wa Jamhuri ya Muungano wa Tanzania na Amiri Jeshi Mkuu wa nchi hii, ninataka niwaambie, maandamano yatakayokuwepo ni ya watu kwenda vituoni kupiga kura, hakuna maandamano mengine yatakayokuwepo hapa, hakuna tishio la kiusalama litakalokuwepo, anayesema ni Amiri Jeshi Mkuu wa Nchi hii. Niwaombe ndugu zangu, twendeni mkapige kura, twendeni mkapige kura... Ndugu zangu mengine niachieni mimi, matusi niachieni mimi, ninayabeba kwa niaba yenu", - Dkt. Samia.

Mgombea wa nafasi ya Urais wa Jamhuri ya Muungano wa Tanzania kupitia Chama Cha Mapinduzi (CCM) Dkt. Samia Suluhu Hassan akizungumza kwenye Viwanja vya Leaders Club, Kinondoni Jijini Dar es Salaam katika mkutano wa hadhara wa kampeni za Uchaguzi Mkuu wa Oktoba 21, 2025.

KUANZIA 2026 MTAONA MAGEUZI MAKUBWA YA MWENDOKASI DAR - DKT. SAMIA

Mgombea Urais wa Jamhuri ya Muungano wa Tanzania Dkt. Samia Suluhu Hassan amesema kuwa serikali yake itakwenda kusimamia na kukamilisha mradi wa miundombinu ya barabara ya mabasi yaendayo haraka maarufu kama mwendokasi, hiyo itafanyika ikiwa atachaguliwa kuiongoza nchi kwa kipindi cha miaka mitano ijayo.

Dkt. Samia ameyasema hayo akizungumza kwenye Viwanja vya Leaders Club, Kinondoni Jijini Dar es Salaam katika mkutano wa hadhara wa kampeni za Uchaguzi Mkuu wa Oktoba 21, 2025 ambapo amesisitiza kuwa utoaji wa huduma ya usafiri na usafirishaji kupitia miundombinu hizo zitakapokamilika, utajikita zaidi kwenye sekta binafsi.

"Tukapomaliza barabara zote, ni fursa muhimu kwa sekta binafsi kupata kazi ya kubeba abiria na kurudisha, kazi hiyo kwa kiasi hatutaki kuifanya sisi serikali bali sekta binafsi wataingiza mabasi yao na wafanye uendeshaji wa shughuli hizo", ameeleza Dkt. Samia.

Amewaahidi wakazi wa Dar es Salaam kuwa kuanzia Januari, 2026 kutakuwa na mageuzi makubwa ya utoaji wa huduma ya miundombinu ya mwendokasi.

Dkt. Kikwete Aunguruma Visiwani, Awataka Wazanzibari Walinde Amani na Maendeleo

MAKAMU WA PILI WA RAIS ZANZIBAR- AKIZUNGUMZA NA WANAMICHEZO - JIMBONI KIWANI

Mgombea wa Uwakilishi Jimbo la Kiwani ndugu Hemed Suleiman Abdulla amesema Serikali ya Awamu ya nane Imeboresha sekta ya michezo kwa kujenga viwanja vipya katika maeneo mbali mbali ya Zanzibar na kufanya ukarabati mkubwa wa Uwanja wa New Aman Complex na Uwanja wa Gombani Pemba kwa lengo la kukuza sekta ya Mizo nchini.

 

Ameyasema hayo alipokutana na kuzungumza na wanamichezo mbali mbali waliomo katika Jimbo la Kiwani na kutumia fursa hio kuwaomba kura ili aweze kuwa mwakilishi wa Jimbo hilo ifikapo Oktoba 29.

 

Ndugu Hemed amesema anatambua changamoto mbali mbali zinazowakabili wanamichezo wa Jimbo la kiwani hivyo atakapokuwa mwakilishi wa Jimbo hilo  atahakikisha anaimarisha na kufufua vuguvugu la michezo jimboni humo.

 

Mgombea huyo amesema kwa sasa michezo ni ajira hivyo amewaahidi wanamichezo hao  kuwapa kila aina ya ushirikiano katika kufikia malengo yao ikiwemo kuwapatia vifaa vya michezo na mahitaji mengine yote yakimichezo.

 

Amesema kwa kutambua mchango na umuhimu wa michezo Jimboni na Taifa kwa ujumla atahakikisha analeta walimu na wakufunzi wa michezo mbali mbali watakao wafundisha kitaalamu ili kuwa na waamuzi, wachezaji, na timu bora zitakazoweza kushindana na timu yoyote ndani na nje ya Zanzibar.

 

Amewasisitiza wanamichezo hao kudumisha nidhamu kwa kufuata miiko, maadili na kanuni za michezo mbali mbali jambo litakalowajenga kuwa wanamichezo bora, pamoja na kuwataka kuwa na umoja, upendo na mshikamano baina yao.

 

Amesema katika kipindi cha uongozi wao wataunda kamati itakayohusisha timu zote zilizomo ndani ya Jimbo la Kiwani ambao watawasilisha kero na changamoto zinazozikabili timu zao kwa lengo la kulifanya jimbo la kiwani kuwa Jimbo la mfano kwa majimbo yote yaliyomo ndani ya Wilaya ya Mkoani na Zanzibar kwa ujumla.

 

Amewatoa hofu wanamichezo hao juu ya  suala la miundombinu ya Viwanja vya kufanyia Mazoezi na mashindano mbali mbali kwa kuwaahidi kuwa kushirikiana na viongozi wa michezo Jimboni humo atalisimamia suala hilo na kulipatia ufumbuzi.

 

Wakizungumza kwa niaba ya wanamichezo wenzao ndugu Yussuf Mohd Khatib na Ndugu Kassim Rashid Mohd wamesema wamekuwa wanakabiliwa na changamoto mbali mbali ikiwemo vifaa vya michezo, changamoto ya usafiri wanapokuwa na mashindano mbali mbali pamoja na uhaba wa walimu na wakufunzi wa kuwafundisha katika timu zao.

 

Wamesema viwanja vyao vya kufanyia mazoezi vimeathiriwa na ujenzi wa miundombinu ya barabara lakini pia wakati wa msimu wa mvuaa baadhi ya viwanja hujaa maji na kupelekea changamoto ya kukaa muda mrefu bila ya kufanya mazoezi jambo linaloathiri viwango vyao vya michezo.

 

Wanamichezo hao wamemuahidi Mgombea wa uwakilishi na wagombea wote wa chama cha mapinduzi kiwa watawachagua kwa kura nyingi za ndio ifikapo Oktoba 29 ili waweze kuwafanyia maendeleo makubwa zaidi jimboni mwao.

 

Imetolewa na kitengo cha Habari ( OMPR )

Leo tarehe 12 / 10 / 2025

Baraza la Vijana Zanzibar kuendelea kushirikiana na taasisi mbali mbali za Vijana ndani na nje ya Nchi kutunza Mazingira

Baraza la Vijana Zanzibar limesema litaendelea kushirikiana na taasisi mbali mbali za Vijana ndani na nje ya Nchi katika kutunza Mazingira na kukabiliana na athari za Mabadiliko ya Tabianchi.

 Hayo yameelezwa na Katibu Mtendaji wa Baraza la Vijana Zanzibar ndugu Ali Haji Hassan wakati wa shughuli ya kufanya Usafi na upandaji miti katika Hospitali ya Rufaa Kanda ya Mbeya Kitengo cha Wazazi - META ikiwa ni sehemu ya shughuli za shamrashamra za Wiki ya Vijana Kitaifa inayofanyika Mkoa wa Mbeya.

Amesema athari za Mabadiliko ya Tabianchi zinapotokea basi Vijana,Wanawake na Watoto ndio waathirika wakubwa hivyo hakuna budi kwa Vijana kuungana kwa pamoja katika kuunga mkono jitahada zinazochukuliwa na Serikali ya Jamhuri ya Muungano wa Tanzania kupitia Dk.Samia Suluhu Hassan na Serikali ya Mapinduzi ya Zanzibar kupitia Dk.Husein Ali Mwinyi. 

"Jukumu la kutunza Mazingira, kuifanya Tanzania kuwa ya Kijani na kupanda miti ili kukabiliana na athari za mabadiliko ya Tabianchi ni letu sote hasa sisi Vijana." Alihimiza Katibu Mtendaji huyo. 

Aidha Ndugu Hassan alitumia fursa hiyo kutoa wito kwa Vijana wote wa Tanzania kujitokeza na kushiriki kwa wingi siku ya Uchaguzi tarehe 29 Oktoba 2025 kwa kuhakikisha wanapiga Kura ili kuchaguwa Viongozi ambao watawaletea maendeleo na kuwa sauti ya Vijana huku wakidumisha amani na usalama Nchini. 

Nae Mkurugenzi wa Taasisi ya Empower Youth Prosperity (EYP) Ipyana Mwakyusa amelipongeza Baraza la Vijana Zanzibar kwa jitahada zao za kushirikiana nao na kufanya shughuli tofauti za maendeleo ya Vijana wakiwa Mbeya katika Wiki ya Vijana.

 "Natoa wito na kusisitiza mashirikiano kwa Taasisi hususan katika suala la Mazingira na tunaahidi tutakuwa wasimamizi wazuri na kuhakikisha miti tulioipanda leo inakuwa na kuwa kivutio kwa wanaofika Hospitali hii" Alisisitiza Mwakyusa

Nae Afisa Afya wa Hospitali hiyo Bi Julieth George amewashukuru vijana hao kwa kuichagua Hospital yao kuwa sehemu ya zoezi hilo na kuwataka Vijana hao kuwa zoezi hilo liwe endelevu na sio katika matukio maalum.

Shughuli hiyo imefanyika kwa mashirikiano ya Baraza la Vijana Zanzibar, Taasisi ya Empower Youth Prosperity (EYP) pamoja na wadau Tasisi za Vijana zilizopo Mbeya na zinazotekeleza Mradi wa Vijana Plus uliochini ya Save the Children kwa ushirikiano na Tanzania Bora Iniatives kwa ufadhili wa Umoja wa Ulaya.