RAIS SAMIA ATEMBELEA MAJERUHI WA AJALI MEATU

 

Rais wa Jamhuri ya Muungano wa Tanzania, Mhe. Dkt. Samia Suluhu Hassan atembelea majeruhi wa ajali ya gari waliolazwa katika Hospitali ya Wilaya  Meatu mkoani Simiyu leo tarehe 17 Juni, 2025.

WADAU SEKTA YA MILKI WATAKIWA KUWA NA UMOJA

 Na Munir Shemweta, WANMM MWANZA

Wadau wa sekta ya milki nchini wametakiwa kuendelea kuwa na umoja ili kuhakikisha sekta ya milki inakuwa.

Hayo yameelezwa tarehe 17 Juni 2025 na Mkurugenzi wa Kitengo cha Milki Wizara ya Ardhi Nyumba na Maendeleo ya Makazi Dkt. Upendo Matotola wakati wa kikao cha wadau wa sekta ya milki kilichofanyika mkoani Mwanza.

Kikao hicho ni muendelezo  wa mijadala  mbalimbali  kati ya kitengo cha Milki Wizara ya Ardhi Nyumba na Maendeleo ya Makazi na wadau wa Sekta ya Milki kwa lengo la kujenga ufahamu na kupata maoni kuhusiana na sekta ya milki nchini.

Tayari kitengo hicho kimefanya vikao vya mijadala katika majiji ya Dar es Salaam, Arusha na Dodoma.

" Ni lazima tuwe wamoja na kuhakikisha sekta yetu ya milki inakuwa sambamba na kuwa na sura nzuri" amesema

Kwa mujibu wa Dkt Matotola, wananchi wakishaiamini sekta ya milki kazi itakuwa rahisi ikiwemo upatikanaji kazi nyingi kwa kuwa wananchi hawatakuwa na haja ya kuhangaika kutokana na uwepo wa watu wanaowaamini.

" Kwa sababu mtu hana sababu ya kuhangaika kutafuta nyumba au kiwanja maana kuna watu  wanawaamini na serikali inawaamini pia hivyo tunaweza kufanya kazi vizuri". Ameeleza

Mkurugenzi huyo wa Kitengo cha Milki ameweka wazi kuwa, kikubwa serikali inachotaka ni kujua kutoka kwa wadau zile changamoto wanazozipata katika uendeshaji na kile wanachotegemea kutoka kwa serikali ili kutengeneza mazingira bora ya kuwafanya wadau kufanya kazi vizuri.

Kwa upande wake Kamishna wa Ardhi Msaidizi mkoa wa Mwanza Wilson Luge amesema, serikali imeona ipo haja ya kuzungumza na wadau wa sekta ya milki ili kuwa na uelewa wa pamoja.

" Tutembee pamoja, sisi tuna malengo ya kufikia hatua fulani lakini na ninyi mna malengo fulani hivyo malengo yetu yaende sambamba na malengo yenu" amesema Luge.

Katika kikao hicho cha wadau wa sekta ya milki washiriki walipata uelewa wa majukumu ya kitengo cha milki, mfumo wa usajili na faida zake kwa mawakala, utakatishaji fedha katika sekta na wajibu wa mawakala katika kupambana na utakatishaji pamoja na mwongozo wa usajili wa mawakala.

Mkurugenzi wa Kitengo cha Milki Wizara ya Ardhi Nyumba na Maendeleo ya Makazi Dkt Upendo Matotola akizungumza wakati wa Kikao cha Wadau wa Sekta ya Milki kilichofanyika jijini Mwanza tarehe 17 Juni 2025. Kushoto ni Kamishna wa Ardhi Msaidizi mkoa wa Mwanza Wilson Luge.

Nuru Kimbe Afisa kutoka Kitengo cha Milki Wizara ya Ardhi Nyumba na Maendeleo ya Makazi akiwasilisha mada wakati wa kikao cha wadau wa milki jijini Mwanza tarehe 17 Juni 2025. (PICHA ZOTE NA WIZARA YA ARDHI)

Washiriki wakiwa katika kikao cha wadau wa sekta ya milki kilichofanyika jijini Mwanza tarehe 17 Juni 2025.

Kamishna wa Ardhi Msaidizi mkoa wa Mwanza Wilson Luge akizungumza kwenye kikao cha wadau wa sekta ya milki kilichofanyika jijini Mwanza tarehe 17 Juni 2025.

RAIS MHE. DKT. SAMIA AZINDUA KIWANDA CHA KUCHAKATA PAMBA CHA BIOSUSTAIN TANZANIA LIMITED MEATU

 

Rais wa Jamhuri ya Muungano wa Tanzania, Mhe. Dkt. Samia Suluhu Hassan akivuta kitambaa kuashiria uzinduzi wa Kiwanda cha kuchakata pamba cha Biosustain Tanzania Limited Meatu mkoani Simiyu tarehe 17 Juni, 2025.

Rais wa Jamhuri ya Muungano wa Tanzania, Mhe. Dkt. Samia Suluhu Hassan akikata utepe kuashiria uzinduzi wa Kiwanda cha kuchakata pamba cha Biosustain Tanzania Limited Meatu mkoani Simiyu tarehe 17 Juni, 2025.

Rais wa Jamhuri ya Muungano wa Tanzania, Mhe. Dkt. Samia Suluhu Hassan akimsikiliza Waziri wa Kilimo Mhe. Hussein Bashe kuhusu Kiwanda cha kuchakata pamba cha Biosustain Tanzania Limited Meatu mkoani Simiyu tarehe 17 Juni, 2025.

Mandhari ya kiwanda cha kuchakata pamba cha Biosustain Tanzania Limited kilichopo Meatu mkoani Simiyu ambacho kimezinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, tarehe 17 Juni, 2025.

Mjumbe wa Kamati Kuu ya Halmashauri Kuu yaCCM Taifa Mhe.Hemed aendelea na ziara yake yakuimarisha Chama (CCM)

Mjumbe wa Kamati Kuu ya  Halmashauri Kuu ya CCM Taifa Mhe. Hemed Suleiman Abdulla amewataka wajumbe kuchagua wagombea watakaoweza kuwasikiliza changamoto zao na kuzichukulia hatua.

Ameyasema hayo alipokutana na Viongozi wa Halmashauri Kuu ya Wilaya, Kamati za Siasa za Jimbo na wadi ikiwa ni muendelezo wa ziara yake ya kuimarisha chama ndani ya Wilaya ya Amani, Mkoa wa Mjini kichama kwenye Ukumbi wa CCM Amani Mkoa.

Amesema wakati umefika kwa wana CCM kuchagua wagombea wenye nia thabiti ya kukitumikia chama na wananchi wake na sio kuchagua mtu mwenye kipato ama umaarufu ambae hatoweza kuwatumikia.

Mhe. Hemed amevitaka vikao vya maamuzi kufuata matakwa ya katiba ya chama kwa  kufanya haki na uadilifu wakati wa kupitisha wagombea ili  kuepuka migogoro isiyokuwa ya lazima ndani ya chama na kwenye jamii itakayopelekea mgawanyiko na mipasuko ya wenyewe kwa wenyewe.

Amefahamisha kuwa kuteuliwa kwa wagombea  wenye sifa na wanaokubalika watakuwa wamekirahisishia Chama cha Mapinduzi  kushinda kwa kishindo ifikapo mwezi Oktoba 2025.

Amewaasa wanachama wa CCM kuacha tabia ya kuchafuana na kutengenezeana fitna kwa maslahi ya watu wachache  badala yake wazidi kuungana pamoja na kushirikiana katika kukitafutia ushindi Chama cha Mapinduzi  kiendelee kuongoza dola kwa miaka nitano ijayo.

Mhe. Hemed amewataka wanachama wa CCM kuendelea kudumisha Amani na Utulivu kwa kipindi chote cha maandalizi ya kuelekea uchaguzi na kuwasihi watakaoteuliwa kugombea nafasi mbali mbali wakafanye kampeni za kistaarabu zenye kuelezea mazuri yanayofanywa na viongozi wa chama na Serikali.

Amewataka wanawake na vijana wakati utakapofika kujitokeza kwa wingi katika kuchukua fomu na kugombea nafasi mbali mbali za uongozi.

Katibu wa Idara ya Siasa, Itikadi, Uwenezi na Mafunzo ya chama komred Khamis Mbeto khamis amesema wakati umefika kwa viongozi wanapotoka nje ya nchi kuelezea  maendeleo yanayofanywa na viongozi wakuu wa nchi na sio kuzungumza mambo yasioku nafaida kwa Taifa.

Mwenyekiti wa CCM Mkoa wa Mjini Ndugu Talib Ali Talib amesema wanachama wa CCM wa Mkoa wa Mjini wapo tayari kufanya jambo lolote lile lenye maslahi na chama na Taifa kwa ujumla.

Talib amesema  Chama cha Mapinduzi Mkoa wa Mjini wamejipanga kuhakiisha CCM inashinda kwa kishindo katika uchaguzi mkuu ujao mwezi Oktoba.

Imetolewa na Kitengo cha Habari (OMPR)

Tarehe 16.06.2025

RAIS MHE. DKT. SAMIA AZINDUA MPANGO WA MIAKA MITANO WA CHANJO NA UTAMBUZI WA MIFUGO

 

Rais wa Jamhuri ya Muungano wa Tanzania, Mhe. Dkt. Samia Suluhu Hassan akizindua Mpango wa Chanjo na Utambuzi wa Mifugo kitaifa kwa mwaka 2024/2025- 2028-2029 katika viwanja vya Nanenane Bariadi Mkoani Simiyu tarehe 16 Juni, 2025.

Rais wa Jamhuri ya Muungano wa Tanzania, Mhe. Dkt. Samia Suluhu Hassan akipokea Tuzo ya heshima na shukrani kutoka kwa Mwenyekiti wa wafugaji Ndugu Mrida Mshote mara baada ya kuzindua Mpango wa Miaka Mitano wa Chanjo na Utambuzi wa Mifugo katika viwanja vya Nanenane Bariadi Mkoani Simiyu tarehe 16 Juni, 2025.

Rais wa Jamhuri ya Muungano wa Tanzania, Mhe. Dkt. Samia Suluhu Hassan akipokea Tuzo ya heshima na shukrani kutoka kwa Waziri wa Mifugo na Uvuvi Mhe. Dkt. Ashatu Kijaji mara baada ya kuzindua Mpango wa Miaka Mitano wa Chanjo na Utambuzi wa Mifugo katika viwanja vya Nanenane Bariadi Mkoani Simiyu tarehe 16 Juni, 2025. 

Rais wa Jamhuri ya Muungano wa Tanzania, Mhe. Dkt. Samia Suluhu akihutubia viongozi mbalimbali, wafugaji pamoja na wananchi waliohudhuria uzinduzi wa Kampeni ya Kitaifa ya Chanjo na Utambuzi wa Mifugo katika viwanja vya Nanenane Bariadi Mkoani Simiyu tarehe 16 Juni, 2025.

RAIS MHE. DKT. SAMIA SULUHU HASSAN AFUNGUA SHULE YA SEKONDARI YA WASICHANA SIMIYU

 

Rais wa Jamhuri ya Muungano wa Tanzania, Mhe. Dkt. Samia Suluhu akivuta kitambaa kuashiria ufunguzi wa Shule ya Sekondari ya Wasichana Simiyu iliyopo Bariadi mkoani humo tarehe 16 Juni, 2025.

Rais wa Jamhuri ya Muungano wa Tanzania, Mhe. Dkt. Samia Suluhu akikata utepe kuashiria ufunguzi wa Shule ya Sekondari ya Wasichana Simiyu iliyopo Bariadi mkoani humo tarehe 16 Juni, 2025.

Muonekano wa Majengo ya Shule ya Sekondari ya Wasichana Simiyu mara baada ya kufunguliwa na Rais wa Jamhuri ya Muungano wa Tanzania Mhe. Dkt. Samia Suluhu, Bariadi mkoani Simiyu tarehe 16 Juni, 2025.

Rais wa Jamhuri ya Muungano wa Tanzania, Mhe. Dkt. Samia Suluhu akitembelea Shule ya Sekondari ya Wasichana Simiyu iliyopo Bariadi mkoani humo tarehe 16 Juni, 2025.

Rais wa Jamhuri ya Muungano wa Tanzania, Mhe. Dkt. Samia Suluhu akizungumza mara baada ya kufungua Shule ya Sekondari ya Wasichana Simiyu iliyopo Bariadi mkoani humo tarehe 16 Juni, 2025.

Rais wa Jamhuri ya Muungano wa Tanzania, Mhe. Dkt. Samia Suluhu akiwa kwenye picha ya pamoja na Wanafunzi wa Shule ya Sekondari ya Wasichana Simiyu iliyopo Bariadi mkoani humo tarehe 16 Juni, 2025.