KIWANDA CHA CHAI CHA MPONDE LUSHOTO CHARUDISHWA KWA WANANCHI

Katibu Mkuu wa CCM, Abdulrahman Kinana, akihutubia katika mkutano ulioandaliwa rasmi kuwaambia wananchi wa Mponde, Halmashauri ya Wilaya ya Bumburi, Lushoto mkoani Tanga, kuwa

 Rais Jakaya Kikwete amekubali kukirudisha Kiwanda cha Chai cha Mponde kwa wananchi baada ya mgogoro dhidi mwekezaji wa kiwanda hicho, Yusufu Mula uliodumu kwa takribani miaka 10 na kusababisha kiwanda hicho kufungwa maiaka miwili iliyopita na kuwaacha wananchi kwenye lindi kubwa la umasikini.

Hayo ni Mafanikio ya Katibu Mkuu wa CCM, Abdulrahman. Kinana ambaye katika mkutano wa hadhara uliofanyika Septemba mwaka jana katika Kijiji cha Mponde, aliahidi kupata suluhu ya mgogoro wa kiwanda hicho ulioshindikana kutatuliwa kwa muda mrefu kwa kuupeleka kujadiliwa katika Kamati Kuu ya CCM na kupata ufumbuzi ndani ya mwezi mmoja, ahadi ambayo aliitimiza.

Kiwanda hicho kilifungwa baada ya wananchi kususia kuendelea kulima mashamba ya chai kwa lengo la kuishinikiza Serikali kutatua haraka mgogoro dhidi ya Mwekezaji wa kiwanda hicho, Yusufu Mulla, ambaye walidai kuwa alikuwa anawanyanyasa wakulima wa zao hilo pamoja na wafanyakazi kuwalipa ujira mdogo.

Kinana amesema Serikali itanunua hisa za mwekezaji ili aondoke na kuwaachia wananchi kiwanda hicho.Pia Serikali itatuma jopo la wataalamu watakao tathmini hasara iliyopo, na kutafuta mtaji wa kukifufua kiwanda ili kianze kufanya kazi.

Mbunge wa Jimbo la Bumbuli,Mh. January Makamba akiishukuru Serikali kwa uamuzi wake wa kukirudisha kiwanda hicho kwa wananchi ambapo pia alimshukuru Rais Jakaya Kiwete na Katibu Mkuu wa CCM, Abdulrahman kwa kufanya jitihada za kuhakikisha wananchi wanapata haki yao hiyo walioisotea kwa takribani miaka 10.

Katibu Mkuu wa CCM Ndugu Abdulrahman Kinana akisalimiana na Mbunge wa jimbo la Bumbuli Mh. Januari Makamba wakati alipowasili jimboni humo katika wilaya ya Lushoto, akiwa katika ziara ya siku mbili ambapo amefanya mkutano wa hadhara katika kata ya Mponde na kuwataarifu wananchi na wakulima wa Chai kuhusu maagizo ya Rais Jakaya Kikwete juu ya kukirejesha kiwanda cha Chai cha Mponde kwa wananchi .

  Baadhi ya Wananchi waliojitokeza kwa wingi kwenye mkutano huo wa hadhara wakisikiliza kwa makini.

 Wananchi wa Bumbuli wakifuatilia mkutano wa hadhara.

  Mkutano ukiendelea katika uwanja wa Mponde,katika Halmashauri ya Bumbuli mkoani Tanga jioni ya leo.

  Mkuu wa Wilaya ya Lushoto,Mh.Majid Hemed akizungumza na Wananchi katika mkutano wa hadhara uliofanyika jioni ya leo katika kijiji cha Mponde,mkoani Tanga.

  Baadhi ya Wananchi waliojitokeza kwa wingi kwenye mkutano huo wa hadhara wakisikiliza kwa makini

 Mmoja wa Wananchi akishangilia kwa namna yake mara baada ya Katibu Mkuu wa CCM,Ndugu Kinana kutamka kuwa kiwanda cha Chai cha Mponde Rais Kikwete ameamuru kilejeshwe mikononi mwa Wananchi na Wakulima wa Chai. 

  Wananchi wakifuatilia yaliyokuwa yakijiri kwenye mkutano huo.

 Mkuu wa Mkoa wa Tanga,Magalulla Said Magalulla akiwasalimia na kujitambulisha kwa wakazi wa Bumbuli na Vitongoji vyake,kwenye mkutano wa hadhara uliofanyika jioni ya leo katika uwanja wa Mponde,Mkoani Tanga.

 Mbunge wa Jimbo la Lushoto na Mwenyekiti wa CCM Mkoa Tanga,Henry Shekifu akifafanua jambo kwenye mkutano wa hadhara uliofanyika leo katika uwanja wa Mponde,Mkoani Tanga.

RIDHIWANI KIKWETE AANZA ZIARA YA KIKAZI KATIKA VIJIJI 40 CHALINZE

Mbunge wa Jimbo la Chalinze, Ridhiwani Kikwete akihutubia katika mkutano wa hadhara katika Kata ya Kibindu, ambapo aliwapongeza wananchi kuchagua viongozi wa Serikali ya Vijijini kutoka CCM.

Ridhiwani akimtwisha ndoo ya maji mmoja wa akina mama wa Kijiji cha Kwa Msanja wakati wa uzinduzi wa Kisima cha Maji kilichojengwa kwa fedha za mfuko wa jimbo kwa gharama ya sh. mil. 13.

Mbunge wa Jimbo la Chalinze, Ridhiwani Kikwete akikagua vyumba vya madarasa vya Shule ya Msingi Kibindu, wilayani Bagamoyo, Pwani vilivyobmoka na kuezuliwa paa kutokana na mvua kubwa iliyonyesha hivi karibuni. Ridhiwani yupo katika ziara ya kikazi ya kutembelea vijiji 40 jimboni humo.Pia Ridhiwani alishauri shule hiyo yenye majengo yaliyojengwa tangu 1952 ifungwe ili kuepusha maafa zaidi hadi itakapojengwa upya.

George Mcheche Masaju kuwa Mwanasheria Mkuu wa Serikali mpya

Rais wa Jamhuri ya Muungano wa Tanzania, Mheshimiwa Jakaya Mrisho Kikwete amemteua

Bwana George Mcheche Masaju (pichani) kuwa Mwanasheria Mkuu wa Serikali.

Uteuzi wa Bwana Masaju ulianza jana, Ijumaa, Januari 2,2015 na ataapishwa keshokutwa, Jumatatu, Januari 5, 2015, Ikulu, Dar Es Salaam.

Kabla ya uteuzi wake, Bwana Masaju alikuwa Naibu Mwanasheria Mkuu wa Serikali. Bwana Masaju pia amepata kuwa Mshauri wa Sheria wa Rais wa Jamhuri ya Muungano wa Tanzania.

Imetolewa na:

Kurugenzi ya Mawasiliano ya Rais,

Ikulu,

DAR ES SALAAM.

3 Januari, 2015

Magufuli akutana na Watendaji wa CCM jimbo la Chato

Waziri wa Ujenzi na Mbunge wa Jimbo la Chato,Mh. John Pombe Magufuli (aliesimama) akizungumza na Watendaji mbali mbali wa Chama cha Mapinduzi (CCM) waliochaguliwa kwenye Uchaguzi wa Serikali za Mitaa hivi karibuni kwenye Jimbo hilo,wakati alipokutana nao kwa lengo la kuwapongeza kwa kuaminiwa na kuchaliwa na wananchi.

Sehemu ya Watendaji mbali mbali wa Chama cha Mapinduzi (CCM) katika Jimbo la Chato waliochaguliwa kwenye Uchaguzi wa Serikali za Mitaa hivi karibuni,wakimsikiliza Mh. Magufuli (hayupo pichani).

Waziri Mkuu PINDA asifu jitihada za walimu

Waziri Mkuu MIZENGO PINDA

Waziri Mkuu MIZENGO PINDA amesifu jitihada za walimu wa shule ya sekondari USEVYA iliyopo mkoani KATAVI ambazo zimewezesha shule hiyo kushika nafasi ya kwanza kimkoa kwa kufaulisha wanafunzi wa kidato cha sita.

Aidha shule hiyo ilishika nafasi ya thelathini na nane kitaifa katika matokeo ya mtihani wa kidato cha sita uliofanyika mwaka jana.

Waziri Mkuu PINDA amesema hayo mara baada ya kutembelea shule hiyo na kupongeza juhudi za walimu na wanafunzi na pia akawataka walimu hao kutafuta mbinu zaidi ili shule hiyo iweze kufaulisha zaidi.

Balozi Seif Ali Iddi azindua rasmi Barabara ya pili ya Amani hadi Mtoni

Makamu wa Pili wa Rais wa Zanzibar Balozi Seif Ali Iddi akizindua rasmi Bara bara ya pili ya Amani hadi Mtoni baada ya kukamilika awamu ya mwisho ikiwa ni shamra shamra za maadhimisho ya kutimia miaka 51 ya Mapinduzi ya Zanzibar.

Kulia ya Balozi Seif ni Waziri wa Miundombinu na Mawasiliano Zanzibar Mh. Juma Duni Haji na Naibu Wake Mh. Issa Ussi Gavu.

 Balozi Seif akikata utepe kuashiria uzinduzi rasmi wa bara bara ya amani – Mtoni akishindikizwa na Waziri wa Miundombinu na Mawasiliano Mh. Juma Duni Haji kuilia yake na Naibu Waziri wa Wizara Hiyo Mh. Issa Ussi. Na kushoto ya Balozi ni Afisa Uhusiano wa Wizara hiyo Nafisa Madai.

 Balozi Seif na Uongozi wa Wizara ya Maiundo mbinu na Mawasiliano wakikagua  kwa miguu na baadaye magari bara bara ya Mtoni hadi amani.

 Baadhi ya watendaji wa Wizara ya Miundombinu na Mawasiliano Zanzibar wakifuatilia hafla ya ufunguzi wa bara  ara ya Mtoni Amani hapo uwanja wa Gara gara Mtoni Kidatu.

Picha na Hassan Issa wa – OMPR – ZNZ.

Press Release:-

Makamu wa Pili wa Rais wa Zanzibar Balozi Seif Ali Iddi alisema  kwamba Serikali ya Mapinduzi ya Zanzibar imefanikiwa vyema  katika uimarishaji wa  mtandao wa Bara bara Mjini na Vijijini na kufikia kilomita elfu 1,235.52 Unguja na Pemba tokea kubadilisha mfumo wa ujenzi wa Bara bara hizo katika miaka ya 90.

Alisema mfumo huo wa ujenzi kwa upangaji mawe na kushindilia kwa mkono umebadilika na kuingia mfumo wa kisasa unaotumia kifusi na kumalizia kwa lami ya moto na baridi.

Balozi Seif alieleza hayo wakati wa hafla ya uzinduzi wa Bara bara ya Pili ya Amani hadi Mtoni { Mkapa Road } ikiwa ni mwanzoni mwa shamra shamra za maadhimisho ya sherehe za kutimia miaka 51 ya Mapinduzi matukufu ya Zanzibar ya Mwaka 1964 zilizoanza rasmi Tarehe 2 Januari 2015.

Alisema Serikali ilichukuwa jitihada za makusudi katika kuzijenga upya bara bara zake Mijini na Vijijini ambazo tayari zilikuwa zimeharibika vibaya licha ya kazi hiyo kukumbwa na vikwazo tofauti ikiwemo ufinyu wa upatikanaji wa fedha za ununuzi wa zana, vifaa pamoja na ulipaji fidia.

Balozi Seif alisema kukamilika kwa ujenzi wa bara bara ya Amani – Mtoni  ni miongoni mwa hatua muhimu za kuimarisha miundombinu itayowarahisishia wananchi usafiri kwa kuzingatia kuwa bara bara ni kiunganishi kikubwa kinachotumiwa katika kusafirisha huduma muhimu za Kiuchumi na Kijamii.

“ Hizi zote ni juhudi zinazochukuliwa na Chama cha Mapinduzi katika kutekeleza Ilani yake ya Uchaguzi kwa vitendo katika kuhakikisha Nchi ina bara bara bora na za kisasa, hii yote ni katika kuwaletea maendeleo wananchi wetu “. Alisema Balozi Seif.

Makamu wa Pili wa Rais wa Zanzibar aliwapongeza watendaji wa Wizara ya Miundombinu na Mawasiliano katika kusimamia ujenzi wa Bara bara mbali mbali hapa nchini ambapo wameweza kutekeleza vyema majukumu waliyopangiwa na Taifa.

Balozi Seif alieleza kwamba haiba na uzuri wa Bara bara  unategemea hali ya matunzo ya bara bara husika. Hivyo aliwaomba wananchi na watumiaji wote     kuzitunza bara bara wanazozitumia ili zidumu na kuendelea kutumika kwa kipindi kirefu.

Alitoa wito  kwa madereva wote wa vyombo vya moto kutumia bara bara kwa uangalifu zaidi pamoja na kufuata alama za bara barani zilizowekwa wakati wakiendesha vyombo vyao ili kuepuka ajali za mara kwa mara ambazo zinaweza kuepukika.

Aliwaomba madereva hao kuachana na mtindo wa kuegesha gari mbovu zinazodondosha mafuta na kuharibu bara bara sambamba na kuwa waangalifu kwa gari hasa zile zinazobeba makontena zinazotumia mipira ya magongo yanayopelekea uharibifu mkubwa wa bara bara.

Balozi Seif pia aliwakumbusha madereva kwenda mwendo mzuri kama alama za bara bara zinavyoainisha ya mwendo wa kilomita 40 kwa saa na kuepuka bara bara hiyo kufanywamakaburi ya watu wanaotembea kwa miguu na wale wanaotumia vyombo vodogo vya ringi mbili.

Mapema Katibu Mkuu wa Wizara ya Miundo mbinu na Mawasiliano Zanzibar Dr. Juma Malik Akil alisema ramani ya ujenzi wa bara bara ya Mtoni hadi Kiembe Samaki ilikuwepo tokea awamu ya kwanza.

Dr. Malik alisema hatua za ujenzi wa bara bara hiyo zilianza mapemba katika miaka ya 90 lakini zilikwama baada ya daraja lililojengwa kuunganisha bara bara hiyo ambalo tayari lilikuwa limeshamikika kuvunjika.

Alisema ujenzi wa bara bara ya Amani hadi Mtoni yenye urefu wa kilo mita 4 na upana wa mita nane kila njia mbili zilizokuwepo umekamilika kwa awamu zote mbili na utasaidia kuondoa kiu ya wakaazi wa maeneo hayo waliopata usumbufu wa usafiri kwa kipindi kirefu.

Alifahamisha kwamba  wahandisi wa ujenzi wa bara bara hiyo kutoka Idara ya ujenzi na Utunzaji Bara bara { UUB } iliyopata ufadhili wa  Serikali ya Jamuhuri ya Muungano wa Tanzania pamoja na Mfuko wa Bara bara Zanzibar kwa gharama ya zaidi ya Shilingi Bilioni Nne imetenga njia maalum ya watembeao kwa miguu.

Katibu mkuu huyo wa Wizara ya Miundombinu na Mawasiliano Zanzibar alieleza kwamba Serikali tayari imeshajenga Bara bara zenye urefu wa Kilomita 704 kwa Unguja na Kilomita 531 kwa Pemba.

Dr. Malik alifafanua kwamba hadi sasa tayari Mkoa wa Mjini Magharibi umeshawekewa miundombinu mizuri ya bara bara kwa zaidi ya Kilomita 206 kati ya hizo Manispaa ya Mji pekee ina kilomita 68, wakati bara bara kuu zina urefu wa kilomita 332, Vijijini Kilomita 544 na zile za mashambani zimefikia kilomita 270.2.

Akimkaribisha mgeni rasmi Makamu wa Pili wa Rais wa Zanzibar Balozi Seif Ali Iddi, Waziri wa Miundombinu na Mawasiliano Zanzibar Mh. Juma Duni Haji alisema licha ya bara bara ya Mtoni Amani kusaidia kupunguza msongamano wa Bara bara kuu inayoingia Mjini lakini matumizi yake yameongezeka na kuifanya kuwa na harakati zaidi.

Waziri Juma Duni alieleza kwamba hatua za kulinda usalama wa wananchi itaimarishwa kufuatia msongamano huo uliobeba magari makubwa hasa yale ya mchanga na mizigo.

Othman Khamis Ame

Ofisi ya Makamu wa Pili wa Rais wa Zanzibar

3/1/2015.

 

kampeni ya uchunguzi wa Saratani ya matiti

RAIS JAKAYA KIKWETE amezindua kampeni ya uchunguzi wa Saratani ya matiti na shingo ya kizazi kwa Wanawake wa mkoa wa TABORA

WATCH THESE VIDEOS

Waandishi watakiwa kufuata maadili

kampeni ya uchunguzi wa Saratani ya matiti

Oparesheni ya kukamata mazao ya misitu

Noti bandia mkoani Tanga

RAIS JAKAYA KIKWETE amezindua kampeni ya uchunguzi wa Saratani ya matiti na shingo ya kizazi kwa Wanawake wa mkoa wa TABORA na kuwataka wajitokeze kupima afya zao na kupatiwa matibabu.

Rais KIKWETE amesema ugonjwa huo sio wa aibu, na wale watakaogundulika kuwa na viashiria vya Saratani hiyo waanze kupatiwa tiba haraka ambapo Serikali ipo tayari kuhakikisha wale wote wenye matatizo hayo wanatibiwa.

Uzinduzi huo umefanyika katika kiwanja cha CHIPUKIZI cha Chuo kikuu cha AMUCTA-TABORA, ambapo Rais KIKWETE ametembelea mabanda yanayotumika kufanyia uchunguzi huo.

Rais KIKWETE atoa salamu za mwaka mpya 2015

Rais JAKAYA KIKWETE

Rais JAKAYA KIKWETE ametoa salamu za mwaka mpya wa 2015 kwa Watanzania na kuelezea kuridhishwa na mafanikio yaliyopatikana kwenye sekta mbalimbali mwaka 2014 ikiwemo hali ya usalama wa mipaka ya nchi, utekelezaji wa miradi mikubwa ya kimkakati hususani ile ya maji na miundombinu ya usafirishaji na uchukuzi.

Katika salamu zake, Dakta KIKWETE pia ameelezea dhamira ya serikali ya kuondoa ada katika elimu ya sekondari kuanzia mwaka 2016.

Rais KIKWETE amelimwagia pongezi Jeshi la Polisi kwa juhudi zake za kupambana uhalifu nchini ukiwemo ugaidi.

Amesema taarifa za polisi zinaonyesha kuwa mwaka 2014 vitendo vya uhalifu vimepungua ikilinganishwa na mwaka 2013 pamoja na kutambua mtandao wa viongozi na washirika wao wanaotuhumiwa kupanga na kufanya mashambulizi ya kigaidi.

Aidha Rais KIWETE amesema katika mwaka 2014 hali ya uchumi wa nchi imeendelea kuimarika ambapo makusanyo ya mapato ya serikali yameongezeka na kufikia Asilimia 90 ya lengo na kuongeza kuwa Ofisi ya Takwimu imekamilisha marekebisho ya takwimu za Pato la Taifa.

pia amesema amefarijika na kuendelea kupungua kwa matukio ya ajali za barabarani ikilinganishwa na mwaka 2013, mafanikio katika vita dhidi ya biashara na matumizi ya dawa za kulevya nchini ikiwemo kukamatwa kwa vigogo wa biashara hiyo huku akisema kuwa mwaka 2014 mapambano dhidi ya ujangili na biashara haramu ya bidhaa zinazotokana na wanyama pori yameimarishwa.

Masuala mengine ambayo Rais KIKWETE ameyazungumzia katika hotuba yake ni pamoja na jitihada za kuboresha hali ya usafiri ikiwemo kazi ya kujenga barabara za lami na kuimarisha barabara za udongo ili ziweze kupitika wakati wote, kuimarisha huduma ya usafiri wa Reli ya Kati na kukua kwa sekta usafiri wa anga.

Aidha Rais KIKWETE amesema serikali imeendelea kupiga hatua za kuridhisha katika kuboresha elimu nchini ikiwa ni pamoja na kupunguza tatizo la upungufu wa maabara, vitabu na walimu wa shule za msingi na sekondari.

Rais KIKWETE pia amesema wajibu wa viongozi wa Serikali za Mitaa Vitongoji na Vijiji waliochaguliwa katika uchaguzi uliofanyika Desemba 14 na Desemba 20 mwaka jana ni kufanya kazi waliyoiomba.

VIONGOZI WA CHADEMA IRINGA WAPELEKANA POLISI IRINGA

Diwani wa kata ya Mivinjeni Iringa kupitia CHADEMA Frank Nyalusi

HALI  ya  kisiasa  ndani ya  chama  cha Demokrasia na maendeleo (Chadema)  mkoa wa Iringa si shwari  baada ya mwenyekiti wake mkoa  wa Iringa Mustapher Msowela  kumfikisha polisi  mwenyekiti wa chama hicho wilaya ya Iringa mjini, Frank Nyalusi

Nyalusi  ambae  pia ni  diwani  wa kata ya Mvinjeni jimbo la Iringa mjini juzi alitiwa nguvuni na  jeshi la Polisi kabla ya kuachiwa kwa dhamana.

Nyalusi aliyeshitakiwa katika kituo cha Polisi cha kati cha mjini Iringa jana, anatuhumiwa kumtusi mwenyekiti wake huyo wa mkoa kupitia mitandao ya simu; matusi yanayoendelea kuchunguzwa na jeshi hilo.

Nyalusi amekamatwa kwa tuhuma hiyo ikiwa ni siku chache tu baada ya kudaiwa kutoa tuhuma za uongo kwa lengo la kujipatia umaarufu dhidi ya mfanyabiashara maarufu wa mjini Iringa, Salim Asas ambaye pia ni Kamanda wa Umoja wa Vijana wa Chama cha Mapinduzi (UVCCM) mkoa wa Iringa.

Katika mkutano wa hadhara uliofanywa na Chadema Desemba 21 kwenye uwanja wa Mwembetogwa mjini Iringa, Nyalusi ambaye pia ni diwani wa kata ya Mivinjeni alitoa tuhuma zinazowahusisha vijana watatu ambao hata hivyo hakuwataja majina kwamba walitumwa na Asas kwenda kumuua.

Asas kwa kupitia kwa wakili wake, Alfred Kingwe amekanusha tuhuma hizo alizoziita ni za kipuuzi ambazo haziwezi kubebeka hata kwa mzani mdogo wa kupimia madini.

Ili kumsafisha mteja wake, Kingwe alisema ndani ya siku 14 toka akabidhiwe hati ya madai (Demand Note), Nyalusi anatakiwa kuitisha mkutano katika eneo lile lile alilotolea tuhuma hizo na kuzikanusha vinginevyo atafikishwa mahakamani.

Akizungumza na wanahabari jana, Kamanda wa Polisi wa Mkoa wa Iringa, Ramadhani Mungi alisema;  “Kuhusu tukio la kumtukana mwenyekiti wake wa mkoa, Nyalusi alikamatwa jana mara baada ya Msowela kuwasilisha malalamiko yake polisi, akahojiwa na kuachiwa baada ya kukamilisha taratibu za dhamana.”

Alisema jeshi la Polisi linaendelea kuchunguza tukio hilo la kijinai na endapo litathibitika kuwa la kweli, Nyalusi ambaye pia ni Diwani wa Kata ya Mivinjeni mjini Iringa atafikishwa mahakamani.

Kuhusu tukio linalomuhusisha na Asas, Kamanda Mungi alisema jeshi la Polisi limefanya mahojiano ya awali na wahusika hao.

“Jambo hili lipo, tunachunguza; yapo maneno Nyalusi ameyatamka kwenye mkutano wao wa hadhara kwamba ametishiwa kuuawa, ametumiwa watu watatu kwenda kumuua wakiwa na visu. Kumtishia mtu ni kosa la jinai na kumtuma mtu kwenda kumdhuru mtu mwingine ni kosa la jinai, kwahiyo tunachunguza” alisema.

Alisema katika mazingira ya uwazi, Polisi inachunguza suala hilo ili kujua Nyalusi alitishiwa katika mazingira gani; alitishiwa na nani na kwanini hakwenda kutoa taarifa hiyo Polisi na kufungua kesi ili Polisi iwakamate wahusika na kulinda maisha yake.

“Lakini tunajaribu kuangalia kama hakutishiwa na ametamka vile katika mkutano wa hadhara, lengo lake lilikuwa ni nini na kama anajua madhara yake kwa jamii iliyosikia taarifa hiyo ni yepi,” alisema.

Alisema kama itabainika taarifa zilizotolewa na Nyalusi ni za uongo, sheria itachukua mkondo wake na kama itadhihiri ni za kweli sheria pia itachukua mkondo wake.